Nuestra relación con la comida.

-Guarda la empanada, Fredo, y sal a dar un paseo.

-¿Pero tu qué yes, tuntu? ¿Nun ves que toi comiendo?

-Sí, pero por hábito, non por fame.

-¿Cómo ye, ho?

-En realidá, nun tienes ganes.

-¿Cómo que non? Diome un ataque de fame…

-Emocional, Fredo. Fame emocional. Non ye fame, ye ansiedá.

-¿Que qué, ho?

-Tienes qu’ameyorar la to relación…

-¡Pero si yá nun tengo moza!

-…Cola comida, Fredín. La to relación cola comida.

-¿Qué ye, qu’enriba de quedar solteru yá nun puedo nin comer?

-Sí. Pero ensin fame non, non te convién.

-Tu yes oveya, Joseluis.

-Siempres que tas murniu abres la nevera pa ver qué comer. 

-¿Y a ti qué?

-Depués te entra la culpabilidá. ¿Y quién te tien qu’aguantar?

-Qué tuntu yes, chaval.

-Aprende a escuchar tu cuerpo, Fredo. ¿Qué te diz?

-¿Quién, ho?

-Tu voz interior. ¿Qué te diz, ho?

-Que tengo más fame qu’una vaca nun campo de cesped sintéticu.

-¿En qué tono?

-¿Cómo ye, ho?

-Tienes qu’identificar el tono de voz que surde na to cabeza cuando pienses en comida o tas comiendo.

-¿Qué quiés, Joseluis, tocame los co…?

-Non, non. Piensalo, toma distancia, analiza…

-¡Mecaaa…! ¡Voi acabar soltándote una hostia, Josín…!

-¿Ves? Violencia… La puñetera ansiedá.

-¿Qué ansiedá? Lo único que quiero ye que me dexes comer en paz.

-¿Seguro que tienes fame?

-¡Puf! Yes más pesáu qu’unes zapatilles de cemento.

-Tienes qu’aprender a conocete, Fredo, a tener consciencia.

-Lo que tengo ye fame, carapijo.

-Non te engañes, tas comiendo por comer.

-¿Qué quies, llevales?

-Lo que quiero ye que consigas una relación más sana y consciente cola comida.

-¿Qué ye, que quies tu la empaná?

-¿De qué ye?

-De chorizu.

-Na. Nun me da más.

-Siempre tas igual, metiendo la cuyar en tolos tupperwares que me manda mi má. Y depués, zamarro, te dediques a comeme’l tarro.

-Nun tienes fame, Fredo, tas comiendo en base a emociones.

-Anda, tira pa la salita, oveya, y dexa de tocame los co…