Bulos para dejarse la piel.
-¿Qué te pasó, Ferino?
-¿Por?
-Tas más coloráu qu’una vitro al nueve.
-Morenu, perdona.
-¿Qué, ho?
-Toi morenu, Ricardo. Y ensin crema nin hosties. A pelu.
-¡Meca! ¿Pero cómo te da por esponete al sol ensin protección?
-Asina consigo que la piel faiga “callu” y yá nun se quema.
-¿Quién lo dixo?
-TikTok.
-¿Quién, ho?
-La cosa ye preparar el cuerpu para la radiación.
-¿Cómo ye?
-Con dos coyones, Richi, ensin fotoprotector.
-¡Non te fíes d’estos “lumbreras”, Ferino, que vas acabar fatal!
-¿Por?
-Echa crema solar, nun faigas el pijo. La meyor fotoprotección ye…
-La sombra, non te fastidia.
-Vaya, ho.
-Y dempués la gorra y la ropa. Pero eso nun va conmigo. Yo en cuanto veo un rayín, tirome en plancha, a dormir.
-¡Mira qué cara lleves!
-Selo yo. Doime un aire a Toni Curtis. ¿A que sí?
-¿Toni Curtis?
-Sí. Porque toi curtiu, ¡curtiu! como la xente del campo…
-Tienes que cuidar esi cuerpu, Ferino, ¡facer deporte!
-Yá lo fixi, coño. El cuerpu ye como la piel, tien memoria.
-¿Qué, ho?
-Yo tuvi munchos años xugando a futbito federau. Y el cuerpu alcuérdase.
-Ah. ¿Y de los cacharros que bebisti y tola mierda que te metisti, d’eso nun s’alcuerda?
-Non, d’eso non.
-¿Quién lo dixo?
-TikTok.
-¡Meee! Tu ente los bulos de TikTok y la ola de calor…
-Esto ye Asturies. Hai qu’aprovechar. De tarde, ñubla.
-Pero non puede tomase tol sol nun día, Toni Curtis.
-Soi como’l sol, Richi. Tan grande y nun me dexen salir de nueche.
-¿Quién, ho?
-La mio muyer. Nun se fía… Tien memoria tamién, como la piel.
-Normal. ¡Coles que liaste, bandido!
-Dexé de beber, toi meyor.
-¿En serio? ¿Y qué tal l’el to chaval, el mayor?
-¡Buo! Esi sí que ye un sol.
-¿Por?
-Sale y se pone, sale y se pone, sale y se pone…
-¡La madre que lu parió!
-Vaya panorama, eh.
-Tienes que cuidate. ¡Y nun facer casu de los bulos del TikTok!
-El sol ye bueno, Richard.
-Yá, oveya, pero con protección.
-Na. Yo fixi callu, yo tengo callu solar, yo yá…
-¡Tu, Ferino, quemasti más que Notre Damme!
