El 83 por ciento de los jóvenes asturianos viven con sus padres.

-Non, a ver, Luisa, si yo entiéndolo.

-Probe…

-El coste de los pisos, la precariedá, el tener que quedase na casa familiar…

-Ye un benditu.

-Sí, ho. Pero tenelu pegáu, al rabu nuestru, hasta en vacaciones…

-¿Qué más te da?

-Nun se emancipa nin de cámping, home, nun me jodas.

-Él ta a lo suyo, Fredo, nun da guerra nenguna.

-¡Yera nuestra escapada romántica, Luisina! 

-Yá, bobu, pero…

-Yo quería gozar contigo de Bañugues, nueches d’estrelles y silenciu… 

-¿Qué te molesta, Fredo?

-A ver, Luisi. Yá nun digo que salga a buscar trabayu pero, coño…

-¿Qué?

-Que salga a dar un paséu, a tomar daqué. a facer senderismo, a ver si hai suerte y piérdese.

-Él, Fredín, non ye de salir.

-Yá. Ta más paráu que los güeyos de Espinete. Amás, a mesa puesta…

-Probe. Voi preparar la ensaladilla rusa, que ye lo que más-y gusta.

-A esti pasu non lu echamos de casa na vida.

-Qué egoistón yes, Alfredo. Probe nenu.

-¡Que tien 33 años, Maria Luisa, que yo a la so edá yá…!

-Son otros tiempos, Fredo.

-Ye que nun nos val nin pa inflar la colchoneta. 

-Déjalu, probe, ta de vacaciones.

-Hostia, ¿y nosotros? ¡Tien un morro que se lo pisa! Ye que nun recueye nin el so sacu de dormir.

-Quiero más facelo yo que manda-y lo a él. Ye tan malcuriosu… 

-A esti, Luisa, non lu echamos nin con agua ferviendo.

-¿Te alcuerdes lo que llorábamos cuando él yera críu y mandábamoslu de campamento?

-Agora lloro porque los sos ronquíos nun me dexen dormir. 

-Pos yo anueche suañé que nuestra casa volvía ser solo nuestra. 

-¿Y por qué nun se quedó ellí, en casa?

-Nun se arreglaba el probe con tantu tupperware.

-Coime, pero..

-Amás, nun soporta la soledá.

-¡Pero si nun diz nin mu, nun habla con nosotros!

-Yá, Fredo, pero siéntese acompañáu. Y nosotros, atrapaos na adolescencia.

-¿Qué adolescencia, Luisi?

-La suya, coño, la de Roberto.

-¿Con 33 años, ho?

-Sí, ho. Ta n’una edá bien mala, empezó a terapia y sospecha que nun-y dimos una infancia feliz.

-Meca, lo que faltaba, tola vida sacrificándonos por él…

-Son otros tiempos. Nun tán preparaos pa soportar nengún malestar emocional.

-¡Cagonrós, yo debo de tener el síndrome del nial llenu!

-¿Cómo lo sabes, Fredo?

-Porque me duel la cabeza y se me hinchen los güevos.