Días de citas y maridajes.
-Qué tal de finde, Vicentín.
-Uf. Tantu amor…
-¿Cómo ye, ho?
-Una cantidá de cites…
-Meca, ¿quedasti?
-¡Como un Marajá!
-Cuenta, ho.
-Na, taba’l vienres en casa y digo: ¿qué faigo yo equí si amo a Benia?
-¿A quién, ho?
-Benia de Onis. Asina que garré el coche y tire p’allá, al Certamen del Quesu Gamonéu.
-Ah, coño.
-Y, na, taba ellí en plenu romance hasta que m’alcordé del gochu.
-¿El gochu? ¿Qué gochu?
-El Gochín Asturcelta, Benito. ¡Les xornaes en Ponga! Asina que…
-¿Fuisti pa Ponga?
-¡Wua! ¡Torreznos, manos, sopa de fégadu…! ¡Enamoreme!
-¡Vicente, Cagonrós, a ti Cupido debió de lanzate un tenedor!
-¿Por?
-Home, santu, lo que ames ye la comida.
-Nun hai amor más sinceru que l’amor al pucheru.
-¿Qué pasa, que nun crees na media naranja?
-Creo más nel pote de castañes.
-¿En serio?
-Home, claro. Asina que’l sábadu digo: ¡Voi hasta Proaza! En plan jabalí…
-¿Solu?
-Non, con patatines.
-¿Pero fuisti solu?
-Home, tando arrodiáu de productos de la güerta.. ¡Una relación preciosa com..!
-¿Con quién, ho?
-…Compota de mazana, pan d’escanda y…
-¿Quedasti ellí a sobar, ho?
-Na. Al escurecer empecé a sentir un vacío… Digo: va ser fame. ¡Tiro pa Llangréu!
-¿Llangréu?
-Home, Benito, la Fiesta de los callos en Ciañu. ¡Uf! ¡Flipes, chaval!
-Pero…
-Total, qu’entre una cosa y otra, el domingo tuvi que volver pa Uviéu porque casi quedo sin despidime.
-¿De quién, ho?
-Del Desarme, joder, ¿de quién va ser?
-Ah.
-Garbanzos con bacaláu y espinaques, callos y arroz con lleche.
-¿Más callos, ho?
-¿Qué quiés, Beni? ¡Pa coyer la selmana con gana!
-Cuidadín cola barriga, Vicentín. ¿Oíste?
-Dígote una cosina. Naide qu’esfrute de la vida tien un abdomen perfectu.
-Yá, coño, pero n’Asturies…
-Somos bien enamoradizos, amigu, y la seronda ye la estación de los amores.
