Gratitud y equilibrio emocional.

-Gracies, faltosu.

-¿Faltosu yo?

-Sí, sí. Gracies, Paco. En serio, tío, de verdá te lo digo.

-¿Gracies por qué?

-Por ser tan foin, tan zamarro, por volver a sablearnos.

-¿Pero qué dices, fatu?

-Nada. tranqui. Tardasti en despachame, punxístime una sidra que ye puxarra, los chipirones chamuscaos y cobrástime lo que te dio la gana. ¡Pero genial!

-Laureano, no me…

-Tranqui, ho. Y gracies, en serio. 

-¿Por qué tas tan raru?

-Na. Ye que llevo unos cuantos díes cultivando…

-¿Cultivar tú? ¿El qué, oveya? ¡Si nun trabayasti na vida!

-…La gratitud, Paco. 

-¿Que qué, ho?

-Cultivo la gratitud y tengo una salú psicológica que flipas.

-Ah, ¿sí?

-Sí. Nun te suelto una hostia porque me siento conectáu conmigo mesmu.

-¿Cómo ye, ho?

-Y doite les gracies, Paquín, por entrename.

-¿Entrenate yo a ti?

-Sí, tío, nel to chigre tas entrenándome a buscar lo positivo. 

-¡Meeeeee!

-Gracies pol aprendizaje. Los tos timos, los bufíos, la roña del váter…

-Non te pases, Laureano, que… 

-Gracies por metermela doblada y enseñame daqué en cada situación.

-¡Anda, pírate d’equí, non me…! ¡Venga, fuera!

-Marcho, sí, pero con gratitud, ¿oíste? 

-¡Tas guapu, Laureano!

-Claro. Porque practico l’agradecimientu y eso ye tremendamente beneficioso pal mio equilibriu emocional.

-¡Cagonmi…! ¡Anda, tira!

-Somos unos afortunaos, Paquín, y nun lo sabemos. 

-No jodas.

-¿Nun ves cómo ta’l mundo, les coses que pasen…? ¡Son tou desastres, desgracies y mira, tu y yo…!

-¿Pero por qué la tomes conmigo, chaval?

-Porque yes marrullero, babayu, déspota y tienes el chigre más puercu que’l pechu d’una culiebra. 

-Nun me faltes, Laureano, que yá te tas pasando.

-Yo siento gratitud, Paco.

-Anda, sal del chigre, mamón.

-Yá salgo. Pero gacies, ¿oíste? Gracies, de corazón.

-¡Tas como una teya, amiguín!

-Selo yo. Pero desde que siento gratitud vivo meyor.