Amor y otros desprendimientos.

-L’amor ye una emoción compleja, Mari. Yo pienso en lo nuestro y  siento un bloqueo…

-¿Bloqueo? ¿Pero en qué sentido?

-En sentido León.

-¿Qué, ho?

-Un tiempu, vida. Tenemos que danos un tiempu.

-¿Pero cuánto?

-Cómo lo voi saber, si nun los saben nin los técnicos. 

-¿Qué técnicos, ho?

-Nun puedo concretar plazos, Maricarmen. La geotecnia, los sentimientos…

-¿Qué te pasa? ¿Nun dices que me amas, qu’el to GPS siempre te lleva a mi?

-Sí, coño, pero si tengo que desviame por Cantabria o Lugo yo…

-¡Ven por Payares, amor!

-¿Con esta mierda de coche? ¡Y el puertu llenu de camiones! ¡No flipes!

-¿Y el tren? ¿Por qué non?

-Porque me deja en León, coime. ¿Y cómo llego a Grajal de Campos, eh?

-Nun lo puedo creer.

-Nin yo, Mari. Pero cuando tou se tuerce y el terreno ye inestable…

-¡Jobar, Lito, que sobrevivimos a un confinamientu y trés cierres perimetrales!

-Yá, cielo, pero nesti momentu, nun sé, fállame la comunicación…

-¿Conmigo?

-Non, non, con la meseta.

-¿La qué, ho? Qué fuerte, Lito. Romper así una pareja…

-Romper, non, vida. ¡Son obres de reparación!

-¡Manolito nun me vaciles, eh! Entós lo nuestro…

-¡Argayó, Mari, argayó! 

-¿Hai otra? 

-¿Otra qué, ho?

-Di la verdá, ¡zamarro!

-Les relaciones a distancia son bien dures, Maricarmen.

-Sí.Yá. Ye’l peaje qu’hai que pagar.

-¡Nun me fales de peaje, eh, que toi del Huerna hasta los coyones!

-¿Pero tu yes consciente de que puedes rompeme’l corazón?

-Na, pa eso tán los técnicos: ¡Bypass! 

-¿El qué, ho?

-Un bypass temporal pa que’l tráficu pueda pasar por… 

-¡Qué gilipollas yes, tío! Nun sé cómo me pudi namorar de ti.

-Non te culpo. Tienes bon gustu.

-¡Fatu! ¡Mamón!

-Respira, Maricarmen. Tas teniendo una respuesta emocional. Necesites ferramientes pa encarar la separación.

-¿Ferramientes? Sí, ho. ¡Agora voi tener que quitar les piedres yo!

-Non, muyer, lo que digo ye que mientres ellos despejan la zona..

-¿Eh?

-…Tu tienes que despejar la cabeza.

-Qué güevazos, Manolito.

-La pareja, Mari… Cuando algo se rompe, nun sé, ye como un desprendimientu de tierres pela ladera d’un monte.

-¡Cursiladas non, Lito! ¡Cursiladas non! ¡Por favor!

-Un tiempu, vida. Yo… 

-¡A rascala, mamón!

-Meca, colgó.