Coches inteligentes y muy conectados.
-¡Chisst! Ven acá, que nun nos oya.
-¿Quién?
-Esi cabrón.
-¿Quién, ho?
-L’el mio coche, sabelo too.
-¿El qué?
-Los mios datos médicos, la mio información xenética, cómo freno y acelero…
-¿Eh?
-Esi zamarro sabe hasta con quien me acuesto.
-¿Pero qué dices, Pedro Pablo?
-Buo. Yo quería un coche intelixente pero menudo chivato salióme, chaval.
-¿El coche?
-Sí. Ye terrible pa la mio privacidá y la nuestra seguridá.
-¿Nuestra?
-Esi cabrón arrexunta más información que cualquier móvil o dispositivu dixital.
-¡Calla, ho!
-Que sí, Belarmino, estos bichos yá nun son lo que yeren. ¡Son el demoniu!
-Nun esaxeres, Pedrín.
-Son ordenadores chivatos sobre ruedes.
-¿Y quién te mandó mercar un coche conectáu?
-Avísame si me duermo, puede llamar a urxencies en casu d’accidente, entretien a los guajes coles sos pantalles nos viaxes…
-¡Jobar! Ye tan modernu que prácticamente se puede conducir solo.
-Claro, Belarmino, pero tú date por jodíu.
-¿Yo? ¿Por?
-¿Sabes la enorme cantidá de datos qu’arrexunta sobre nós?
-¿Y a mi qué me cuentes?
-Esi cabrón tien cookies, chips y…
-¡Ai calla, que m’entra la fame!
-Déxate de pijaes, eh.
-¿Pero por qué te pones tan nerviosu, Pedro Pablo?
-Porque yes un caliente, y vas poneme nun compromisu.
-¿¿¿Yo???
-¡Chissst, fala baxu! Tien sensores táctiles, pantalles, micrófonos y cámares que rexistren tou lo que facemos…
-¿En serio?
-Tien cámares tantu nel interior como nel esterior.
-¡Gonsumadreee!
-¡Chissst, fala baxu, coño!
-¿Y dicesmelo agora?
-Te punxisti bien llocu, Belarmino. Tabes más caliente qu’un tobogán pel branu.
-¡Empezasti tú, cínicu!
-Solo foi un picu, cuco, me vine arriba colo del playoff y…
-Metisti llingua, Belarmo. Punxístime nerviosu, y esti coche mideme hasta la frecuencia cardiaca.
-Meca. ¿Y entós?
-Agora tamos xubíos na nube. Y nun me refiero al ascensu.
-¿En serio?
-Claro. Seguro que lo grabó y tien los nuesos datos.
-Meca. ¿Y si los vende a terceros?
-¿Qué terceros? ¿El Girona?
-Toi acoyonáu, Belarmín: nun sé si vender el coche o pidite de salir.
