No soy yo, es el WhatsApp.

-¿Pa qué mirasti?

-Cabrón.

-¿Quién te mandó mirar?

-Qué morro tienes.

-‘La curiosidá mató al gatu’. 

-¿Pero quién ye esta tía, eh? ¿Quién ye?

-Nun tien importancia, Nuri.

-Qué poca vergüenza. Pero, vamos ver, tu…

-Nun soi yo, ye’l whattsApp.

-¿Que qué, ho?

-Ye un simple coqueteo dixital.

-Pero..

-La culpa tienesla tu. ¿Quién te manda andar rabilando?

-Cínicu, embusteru, infiel…

-¡Hala, qué esaxerada yes!

-¿Qué pienses, que nun sé lleer?

-Son pijadas, muyer.

-”Ayer punxístime cachondu!” Y enriba, con faltes d’ortografía.

-¿Qué, ho?

-Ayer nun lleva hache, ¡oveya!

-¿Y hoy?

-Hoy sí.

-Jobar, como cambien les coses d’un día pa otru.

-¿Y esto? “El cuerpu pídeme salsa” Nin que fueras un spaghetti, Celes. Flipo.

-Pues anda que yo… 

-¿Que qué, ho?

-Que nun sé qué faes tu mirando’l mio whattsApp.

-¡Ja! Agora va ser culpa mio, ¿non?

-Pos sí. Tas violando la mio privacidá. Nun ye legal. Que lo sepas.

-Tu sí qué nun yes legal. Claro, por eso andabes a lo foino, guasapeando a  escondies…

-Qué fácil ye sacar les coses de contestu.

-¿Quién ye esta rapaza, Celestino?

-Nun sé.

-¿Cómo que nun sabes?

-Non, nun lo sé. Entrome por whattsApp.

-¿Y por qué te entró?

-Qué sé yo. Igual ye un robot. Anque pa ser un robot ta bien buena.

-Yes más cínicu qu’un políticu en campaña.

-Son pijadas, Nuri.

-Sí, ho. Una infidelidá en toa regla. ¿O vas dicime que non?

-Non. O sí, qué sé yo. Pero la infidelidá por whattsApp ye inofensiva.

-Qué morro tienes y qué mal escribes. Ye que, mira, nun sabes nin falar.

-Pos anda que tu…

-¿Yo qué?

-Nuri, fales como una ciudá de los Estados Unidos.

-¿Los Ángeles?

-Non, Kansas. Kansas, Nuri. Tiénesme agotau, vida.

-Qué triste, poneme los cuernos con un bot d’Asia.

-Nun soi yo, Nuri, ye’l whatsApp.

-¿Y tu por qué te declaraste? ¿Por qué-y siguisti’l xuegu?

-Coqueteo y tal… Coqueteo dixital.