Fluyendo callos.

-Tengo un problema, Fito.

-Nun lu pongas enriba de la mesa, que nun cabe.

-Escucha, ¿tienes diez minutinos?

-Agora non, Fredo. Toi nuna isla de tiempu.

-A what, ho?

-Un ratín que me reservo pa mí, sin interrupciones, sin llamaes y sin xente dando la murga.

-¡Pero si tas comiendo!

-Toi fluyendo.

-Ye un minutín, escucha…

-Tengo la cuchara ocupada.

-¿Qué ye, que prefieres los callos a tu mejor amigu?

-Nun me fagas elegir, Fredo. Nun tas preparáu pa conocer la respuesta.

-¡Pero si llevamos trenta años d’amistá!

-Yá. Y los callos lleven diez minutos na mesa. Nun me pidas que tire pela borda una relación qu’acaba d’empezar.

-Pero, Fito, yo… ¿Qué quiés que te diga?

-Nun digas na. Mírame comer. A lo mejor aprendes algo.

-The what, ho?

-A tar con alguien sin necesidá de que t’escuche. 

-¿Apagasti el teléfono?

-Dafechu.

-¿Y si te llama alguien?

-Que llame.

-¿Y si ye importante?

-Si ye importante, vendrá en persona.

-¡Yo vini en persona!

-Sí, pero tu nunca fuisti una emergencia. Tu yes una notificación recurrente.

-¿Y si alguien te habla?

-Nun lu escucho. Toi entrando en flujo. 

-¿N’ónde, ho?

-Fluyendo callos, n’estáu de flow…

-What what, ho?

-Nun sé ónde acabo yo y ónde empiecen los callos. Somos una misma cosa.

-But…

-Desapaez el mundo. Namás queda el paisano, la cuchara y los callos.  

-¿Pero por qué nun te puedo hablar?

-Porque toi feliz y nun quiero que me corten el flow. ¿A ti nunca te pasó?

-Cuando toi cagando y llamen al timbre.

-You see?

-Coime, pero yo…

-¡Pírate de mi isla, Fredo! Yes una especie invasora.

-¿Cómo pues tar tan relajáu col matu que tenemos na oficina?

-Concentrome no que tengo delantre y dejo de pensar no que m’amarga la vida.

-Let's see you tomorrow?

-Mañana tengo otra isla. De fabada.

-¡Meca! ¡Apúntome!

-Nun puedes.

-By?

-Ye una isla privada.