Donde me lleve el algoritmo.
-Te perdí, Genaro.
-Toi equí.
-Sí, mirando a un puntu qu’enseña a pelar patates con un taladru.
-Hey?
-¿Tu escúchesme cuando te hablo?
-¿Qué quies, ho?
-Que me preguntes cómo toi y esperes a que te conteste.
-Hey?
-Que podamos tar callaos xuntos sin que tengas que rellenar el silenciu con un vídeo de quince segundos. ¿Quies parar yá col deu de los coyones?
-What what, ho?
-Valiome la pena.
-¿El qué, vida?
-Sobrevivir a los ronquíos, a les bronques contigo y con tu ma, a les vacaciones en Benidorm, a la reforma de la cocina… para acabar siendo abandoná por un deu. ¿Quiés parar col puñeteru dedín yá?
-Nun puedo, Marinieves. Esto del scroll infinito ye la hostia.
-Yá.
-Siempre hai algo nuevo que mirar y nunca te das cuenta de lo que tas dejando de ver. Nun hai última página. Esto ye…
-¡Una cinta transportadora de pijadas!
-Deslices el deu y apaez otra cosa. Y otra. Y otra…
-Ni tu madre logró separanos, y mira que s’esforzó. Pero llega l’algoritmo y…
-What, ho?
-…Y déjame viuda col home vivu.
-Él sabe lo que quiero, Marinieves, conoz los mis gustos meyor que tu.
-Who, ho?
-L’algoritmo esti. ¡Ye un no parar!
-Yá te veo, yá. Salisti de la mina pa quedar pillau na dopamina.
-¡Toi jubiláu, Marinieves, nun tengo qué facer!
-Agora que tenemos tol tiempu del mundu pa miranos, pa pasear, pa charrar, resulta que nun tas.
-Toi equí, nun me distraigas.
-How are you, ho?
-Mira, esti paisanu ta faciendo una fabada n’una cafetera italiana.
-Na. Yá nun hai con quién contar.
-Look look!
-¿Quiés parar col dedín yá?
-¡Esti hámster ye la bomba!
-Depués vas y llámes-y l’atención al nuestru nietín.
-Home, ye qu’hai que proteger a los nietinos.
-Sí, protegelos de nosotros mismos. Antes escuchabes a la xente, mirabes el ríu, charrabes conmigo…
-Yá tamos charrando.
-No, Genaro. Yo hablo contigo. Tu tas hablando con un hámster que ruca una panoya. Y…
-¡Espera, Mari, espera! ¡Agora voi! ¡Agora mismo!
-Where are you going?
-Nun sé. Agora mismo… Onde me lleve l’algoritmo.
