La tiranía del bienestar.
-¡Anímate, ho!
-¿Qué ye, qu’agora nun puede unu tar mal?
-¡Alegra esa cara!
-Tengo un mal día. Nun pasa na.
-Tienes qu’optimizar el sueñu, tienes que regular les emociones, hai qu’aprender a gestionar…
-¡Yo gestiono de maravilla! Tengo una mala hostia que me da pa tol mes.
-Respira conscientemente.
-Toi mal, Xulio, déjame en paz.
-Vendríate bien salir.
-Yá salí, fui trés veces a mexar.
-Caminar, refiérome.
-¿Qué crees, que fui al váter en coche?
-Hai qu’aprovechar el tiempu, Mirito, tener una vida activa.
-Yo toi activamente hasta los cojones. ¿Sabes cómo te digo?
-Uf. No se pué vivir con esa negatividad.
-Nunca pensé que la gente fuera tan chunga, qué falta d’humanidá, que…
-Relax, man.
-¿Y qué faigo col mundo? ¿Lu bloqueo en WhatsApp?
-Nun puedes cargar con tolos problemes.
-Yá nun hai con quien tratar, toos engarraos con toos, na tele fáltense, nes redes se desean la muerte, nel chigre yá nun sé nin con quién charrar…
-Nun puedes dejar que t’afecte tanto. Desconecta.
-Non, si yo desconecto perfectamente.
-As?
-Cuando me hablas..
-Qué borde yes, tío.
-Non, ye que me fastidia que me exijais que tea bien.
-Eso, encima que me preocupo…
-Sé que lo faes con bona intención, Xulio, pero tengo derecho a tar mal.
-Nun t’entiendo, Mirito.
-¡Coime, antes teníes un mal día y puntu! ¡Tomabes un café y esperabes a qu’escampara!
-Bueno, y ahora…
-Ahora tienes que gestionar les emociones, respirar conscientemente y escribir trés cosas poles que teas agradecidu.
-Lo de la gratitud ayuda.
-Pos yo agradeceríate que me dejaras en paz.
-Con un poco de meditación y…
-Déjame tar mal, Xulio, en serio te lo digo.
-But…
-¡Déjame tener un día de mierda sin convertilu nuna oportunidá de crecimientu personal!
-How are you, ho?
-Un día sin deporte, sin preocupame por gestionar emociones, y…
-Respira hondo, valora les pequeñes coses, vive’l presente.
-¡Toi viviendo’l presente! ¡Y ye una puta mierda!
-Bueno, intenta aceptalo sin juzgate.
-Go take a shit.
-Tas insoportable.
-Toi mal, toi mal.
