Angelina Jolie como inspiración.

-¿Qué tal, né? ¿Qué ye de tu vida?

-Equí toi, Pili, como Angelina.

-¿Qué Angelina, né?

-Angelina Jolie.

-¡Ai madre! ¿Adoptasti seis guajes?

-Non, home, non.  Dejé de buscar pareja.

-So?

-Toi agotá, fía.

-¿Yá nun tienes ganes de mambo?

-Tengo ganes de siesta.

-Home…

-Calla, nun quiero ni oír esa palabra.

-Tovía nun conocisti al adecuau.

-Quita, quita. ¿Nun me notes quemada?

-Siendo agosto, y con esti tiempu, ye normal.

-De los paisanos, digo. Nun hai unu que merezca la pena.

-Que sí, boba, pero ye como los percebes buenos. Hai que jugase la vida pa cogerlos.

-Na. A los sesenta tienen una pila fíos, varies ex en pie de guerra, perru compartíu, cacao mental, lesión lumbar y…

-Y una bicicleta de carbono.

-Amás de verdá jojojo. ¡Tan guapos!

-Pos yo tovía me ilusiono. El branu ta ligar.

-El branu ta pa sandía, Pili, déjate de pijaes.

-¿Ni un perreo?

-¿Yo? Qué va. Dame más alegría un ventilador industrial.

-¿Y si conoces a alguien?

-Qué pereza. Sobretodo, la entrevista.

-¿Qué entrevista?

-«¿Qué haces?» «¿Ónde vives?» «¿Qué busques?»… Busco sombra. Y silencio.

-Chica, hailos bien simpáticos.

-Sí, hasta que descubres que dicen «bro» con sesenta años. ¿Ónde vas con esi?

-¿Entós renuncies al amor?

-Renuncio al trabayu extra. Yá nun tengo nin tiempu nin ganes d’educar a naide. Toi como Angelina, fía, nun confío nos homes.

-Ella ta centrada en los fíos, y el  castrón de Brad Pitt yá tien otra novia.

-Angelina tien paz, que cotiza más.

-Ná. El problema ye que perdisti la confianza.

-Les ganes, Pili.

-What, ho?

-Lo que perdí son les ganes.

-Tu antes yeres bien romántica.

-Antes planchaba les sábanes.

-Pos yo non renuncio al amor, ¿oíste? Llegamos a una edá…

-…Na qu’una yá nun siente la obligación de emparejarse. 

-Yá, muyer, pero renunciar así a los homes…

-Yo a lo que renuncio ye a pensar que mi felicidá depende de qu’apaeza unu.