No apto para cardíacos.
-¿Quién le dio mi número al colesterol?
-¿Por qué?
-¡¡¡Porque me está llamandoooo!!!
-¿Quién le dio mi número al colesterol?
-¿Por qué?
-¡¡¡Que me anda sonsacandoooooo!!!
-Vale yá, Tino.
-¡Ándaleee!
-¡Vale yá! Que tienes tu más fiesta que la flamenca del whatsapp.
-¡Cagonrós, Arcadio! Colo bien que diba…
-¿El qué, ho?
-¡El roscón! El roscón de reis foi lo que me mató.
-¿Por? ¿Pero qué te dixo’l médicu?
-¿Que me va a dicir? ¡Que tengo’l colesterol peles nubes!
-¿El buenu o’l malu?
-Nun sé, un calvu, que taba ellí, nel ambulatoriu.
-Pero…
-Na. Agora voi tener que mexar colos güeyos zarraos.
-¿Por?
-Los güevos nin miralos, díxome. ¿A ti te paez normal?
-¡Qué bestia yes, Tino! ¡Qué bestia, tío!
-Coime…
-Y mira que te avisé: Hai que saber dicir non.
-¿Qué quies que faiga, si son tou compromisos?
-Yá, coño, pero…
-Cena d’empresa, Nuechebona, Añu Alvia… Munches emociones, Arcadio.
-Lo que nun se puede ye quedar con todiós en vacaciones pa cenar, comer, picar daqué, tomar vermú, chocolate con churros…
-¡Coño! ¿Pa qué quies que quede, pa palotiar?
-Castigasti muncho la patata, Tino, con tantos escesos.
-¿Qué patata, ho?
-El corazón, Tinín, el corazón. Que yá tenemos una edá, coño. Y lo que nun puedes ye andar cerrando los güeyos.
-Güeyos que nun ven, corazón que nun siente.
-Yes un casu. ¡Y mira que te avisé! ¡Curiáu colos escesos!
-Comí de too.
-Tou en esceso ye malo, menos les perres.
-La culpa foi del cocineru.
-¿Quién, ho?
-El cocineru, el mi primu, que ye factor.
-¿De Renfe?
-Non, de riesgu. Nun sabe cocinar ensin grasa. Nun sabe. Ye un peligru.
-Pero…
-¿Quién le dio mi número al colesterooool?
-¿Por qué?
-¡¡¡Porque me está llamandoooo!!!
-Vale yá, Tinín.
-¿Quién le dio mi número al colesterooool?
-¡Vale yá, ho! ¿Por qué cuando tienes problemas date por cantar?
-Porque asina doime cuenta que la mio voz ye peor que los mios problemas?
-¡Cagonrós! Neso tienes razón.
