De vecinos y averías.
-Deja de quejate, Manolo, ye cardiosaludable.
-¿L’avería?
-No, coño, subir les escaleres. Tienes qu’acostumbrate.
-¡Una semana con esto entrampiao, hai que se joder!
-Lo que hai ye que movese, Manuel.
-¿Que qué, ho?
-El sedentarismu ye un arma de destrucción pasiva.
-Dejate de pijadas, Maricarmen, que no…
-¡Animate, ho! Tienes que ser deportista como yo.
-Yo yá lu soi, boba, pero d’altu rendimientu.
-Ah, ¿sí?
-Sí, me rindo fácilmente.
-¡Calla, ho! ¿Entós lo del gimnasio…? ¿Nun t’apuntaste en enero?
-Sí, llevo un mes apuntau pero nun bajé ni un quilo.
-Meca.
-Voi tener que dir allá personalmente, a ver qué coyones pasa.
-Yes un casu. Nun hai quién pueda contigo.
-Yo lo que nun sé, ye pa qué coime pagamos la comunidá…
-¡Aprovecha, ho! Subir escaleres 90 segundos tolos díes ye lo mínimo.
-¿Pa qué?
-Pa prevenir un ataque cardiacu, pa fortalecer el corazón.
-Na. Lo mejor ye tapar los ojos.
-¿Por?
-Ojos que nun ven, corazón que nun siente.
-¡Venga, vagu! ¡El sedentarismu ye una plaga!
-Maricarmen, nun te pongas estupenda.
-Según un estudiu de la Universidá de Sídney…
-¿Ves? ¡Yá tamos! Yes más cursi qu’un repollu con lazu.
-¡Ai madre! ¿Por qué me faltes, Manuel? ¿Cómo yes tan faltosu?
-Empezasti tu, guapina.
-¿Yo? Solo dije que pa que tengas el corazón más fuerte…
-El mi corazón ta fuerte de sobra, rompiómelu Shakira pero sigue funcionando.
-Digotelo en serio, unos pasos son la cuenta pa marcar la diferencia ente un corazón sanu y unu enfermu.
-¡Pesadina yes, fía! ¡Anda, tira! Yá llegarás a los mis años.
-Amás, esi ascensor siempres dio problemes.
-Dimilo a mi, que quedé cuatro hores zarráu col del quintu.
-¿Col sosu?
-¡Calla, fía! ¡Tendríenme que convalidar terceru de Meteorología!
-¿Ves? Nun hai na como les escaleres. Y eso que yo zarapiqué un día y bajé rodando.
-Meca.¿Y qué tal?
-Bien, bien. De toles maneres tenía que bajar…
-Yo lo que nun sé ye pa qué coyones pagamos la comunidá…
-¡Deja de protestar, Manolo! Esto ye como la vida.
-¿Qué, ho?
-Si quies triunfar, nun quedes mirando la escalera. Empieza a subir pasu a pasu.
-¿Triunfar?
-Claro, bobu, nun hai ascensor hacia la felicidá.
-¿Felicidá? ¡La madre que vos parió!
-¿Qué ye, ho?
-¡Qué bien taba yo viendo solu nel monte, cagonrós!
