Comedia romántica en la zona alta.
-¡Pero Sali…! ¿Entós?
-A la mierda, Javi. Acabóse.
-Pero…
-Bona gana tengo yo de disgustame…
-¿Pero qué ye lo que puse, que te ofendió?
-Meyor mantener la distancia, cielín. Acabóse.
-¿Qué foi, lo de los Alvia, lo de Vinicius, lo de..?
-Cuando nun ye una cosa ye otra.
-¿Que qué, ho?
-Non quiero mantener una interacción virtual contigo. Tienes el muru del feisbu más puercu qu’un váter públicu.
-¿Qué pasa, que nun puedo poner un jabalí, unos gatinos…?
-Tu pones gatos y yo pongo límites.
-¿Cómo ye, ho?
-Tengo qu’evitar interacciones negatives.
-Pero yá nun puedo etiquetate, Sali, nin mentate, nin…
-¡Te bloquié, carapijo!
-Yá nun apaeces na mio llista d’amigos.
-¿Qué te toi diciendo?
-Nun puedo ver les tos publicaciones nel mio perfil, les nueses conversaciones desapaecieron…
-¿Pero cómo te lo tengo qu’esplicar? Les guerres, el fútbol, la pola…
-¿Qué ye, qu’agora te jode que sía de la Pola?
-¡La polarización, Javi! ¡Tamos toos rayaos, a la que salta!
-¿Que qué, ho?
-Yo veo’l to muru con esos memes, esos escudos, eses banderes y pongome mala.
-Les coses hai que hablales, Sali.
-Tas guapu, anda.
-Lo que nun se puede, vidina, ye andar bloquiando asina, a lo zorro.
-Necesito cuidame emocionalmente, Javi.
-Y yo, Sali. Y yo. El bloquéu ta afectandome mogollón.
-¿En serio?
-Sí, cuca. Ando gachu, murniu, rebotau…
-Busca a alguien que te de herramientas.
-¿Ferramientes pa qué? Yo tengo de too nel taller.
-¡Un psicólogo, Javi! Si nun sabes gestionar eses emociones…
-Puf. Tengo problemes d’autoestima, ansiedá, Sali…
-¿Y tengo yo la culpa, Javi?
-Nun quiero conflictos. Prefiero evitar l’enfrentamientu.
-Y yo tamién, cielo. Por eso te bloqueé.
-¿Por?
-Si tamos agora, vida, con esta tensión…
-¿Qué, ho?
-Imaginate enfrentanos nel playoff.
-¡Meca, calla por Dios!
-Imaginate enfrentanos por una plaza d’ascensu a primer división.
-¡Puf! Yo nun sé si lo soportaría, mi amor.
-Nin yo, vida, nin yo.
-¿Entiendes agora por qué te bloquié, amor? En casina, juntinos. Pero…
-Tienes razón. Nes redes bloqueadinos tamos meyor
