Buenos días, invierno.

 

-¡Buenos días, Faustino! 

-Serán pa ti.

-¡Waaa! ¡Qué bien sienta dormir una hora más! 

-How are you, ho?

-Levanteme a les seis, medité, fice yoga, tomé cinco minutinos el sol… 

-¿Sol? ¿Qué sol?

-¡Tienes qu’aprovechar la luz natural de la mañana! Mejora tu ritmo circadiano.

-Mi ritmo circadiano vien en tren de cercaníes, Lore, con retrasu.

-Te noto apagáu. ¿Dormisti mal, ho?

-Mal no, dos veces.

-What, ho?

-Desperté a les trés y pensé: “¡Qué bien, son les dos!”. volví dormime, desperté otra vez, y yá nun sabía si yeren les cinco d’antes, les seis de después o les cuatro del futuro.

-Pero bueno, Faustino…

-Viví en trés husos horarios distintos sin moveme del colchón.

-Jobar. ¡Pero si esti cambiu ye’l buenu!

-Who said it?

-Dormimos una hora más.

-Pues el mi reló biológicu nin s’enteró.

-Tienes que disfrutar de la hora extra, Faus, qu’en primavera hai que devolvela.

-¡Qué ganes d’enredar! Lo que tengo ye una sensación d’escuridá… 

-Tantu fútbol, nun ganes pa disgustos. 

-Además de verdá.

-Tienes qu’activar el filtro de luz roja del móvil.

-¿Pa qué? ¿Pa guasapear con Darth Vader?

-¡Pa que tu cerebro segregue melatonina!

-Mi cerebro lo que segrega ye mala hostia, Lorena.

-¿Quies que te pase un artículo con cinco hábitos p’adaptate al cambéu d’hora?

-No, gracies. Yá tengo unu. 

-Which?

-¡Que nun la cambien!

-L’horariu d’iviernu ye más natural, Faustino. Nun sías neciu.

-By?

-¡Amanez antes, somos más productivos, rendimos mejor…!

-Habla por ti. Yo toi más cansau que’l carteru de los corintios.

-Wow, ho.

-A mi dame igual cuándo amanezca, si cuando salgo del trabayu yá ye de nueche y el mi cuerpu pídeme pijama y Netflix.

-Na. Eso arréglase con actitú positiva.

-¿Yá tamos con eses mierdes? Nun me calientes, Lorena.

-Lo que tienes ye qu’asumir l’horariu d’iviernu.

-Yá, tia, pero lleva tiempu. Yo  toi en shock.

-By?

-Juntóseme la hora de la sidra cola del pigazu.

-¿Y qué ye, que nun faes siesta?

-Sí. Eso ye lo malo, que duérmome na barra del chigre cuando salgo de fiesta.

-Jobar. Pos menuda manera d’aprovechar la hora extra.