Misma vida nueva.
-¿Ónde vas con esi carretillo, Bienvenido?
-Toi faciendo limpieza.
-At home?
-Na mio vida.
-How are you, ho?
-Na. Toi desfaciéndome de lo que nun necesito.
-Ah. ¿Y a qué hora quedamos?
-A nenguna.
-So?
-Siéntolo nel alma, Silvino, pero voi eliminar relaciones tóxiques.
-How are you, ho?
-Yes una mala influencia: birras, tute, motos, La Liga Hypermotion…
-What what, ho?
-Cada nuevu añu, Silvino, simboliza un nuevu amanecer. Y yá valió de pijadas.
-By?
-Hai que olvidar sufrimientos y perseguir nuevos sueños.
-¿Pero qué pienses facer?
-De momento, voi establecer metas realistas.
-How are you, ho?
-Apuntame a windsurf, veranear en Salobreña y adentrame nel poliamor.
-¿Pero qué me tas contando, Bienvenido?
-Hai que vivir cada día como si fuera el últimu, Silvino.
-Already but…
-Abrazar, reír, gozar… ¿Quies creer que tengo 68 años y nunca fice un trío?
-¡Coime, yo tampoco!
-¿Ves? Un añu por otru, vas dexándolo, vas dexándolo y…
-Anda, nun digas bobaes. ¿Quiés un pitu?
-¡Qué va, acabóse lo de fumar!
-So?
-Voi facer de la mi salú una prioridá. Además…
-What, ho?
-…Toi faciendo sitiu na cochera pa meter una esterilla y facer meditación.
-Oh really?
-El manejo del estrés ye fundamental pa tener un equilibriu emocional. Aunque primero tengo que sacar la ferramienta.
-¿La fesoria?
-Non. ¡Una agenda! Yá ye hora de gestionar bien el tiempu.
-¿El tiempu?
-Sí, Silvino, sí. Pa organizame, ¿oíste?
-Anda, tira pal chigre. ¡Y paga una botellina!
-Acabose.
-By?
-Toi estableciendo un plan financieru para l’añu nuevu.
-What what, ho?
-Voi gestionar los gastos de manera responsable. Ni andaricas, ni cacharros, ni patates tres salses.
-¡Mecaaaaa! ¡Tas dejandome fríu, Venido!
-Non dexes nunca de soñar, Silvino.
-What, ho?
-¿Ves esta tabla de planchar? De xuru, yera una tabla de surf que dexó d’escorrer los sos suaños y consiguió un trabayu aburríu.
-¡Mecaaaa, toi flipando contigo!
-Hai que olvidase del playoff y buscar la felicidá.
-¡Cagontumanto, Bienvenido! ¡Tas tolos años igual!
