Creadores de contenido.
-Abro Instagram, tío, y veo families faciendo paddle surf.
-AND?
-Los míos faen fila para dir al bañu.
-What are you saying?
-Mira, tío, qué families: el padre paez actor, la madre paez modelo…
-Yá te digo. Y los fíos paecen diseñaos nun laboratorio.
-¡Guapísimos toos! ¡Buo!
-¿Buo qué?
-Pos que depués miro a los míos…
-¿Y qué? ¿Qué pasa?
-¡Que me piro de vacaciones cola mi familia y nun voi poder crear conteníu en Instagram, Jimy!
-Because?
-¿Qué quies que ponga? ¿A mi tíu, que se queda dormíu abrazáu a una barra de pan?
-Bueno, tío. Eso con música indie de fondo…
-Yá. ¿Y qué pongo?
-Filtros, tío, mogollón de filtros. Y musiquina y tal.
-Sí, ho. ¿Y la mi hermana glayando na piscina?
-Pónes-y un piano, chaval, y paez una película francesa.
-¡Calla, ho! Nun digas pijadas.
-En serio, faime casu.
-Calla, que menudo panorama: mi padre tirando de la nevera portátil, mi madre diciendo por enésima vez «¡¿quién quier sandía?!”…
-Guay, chaval.
-…Mi güelu quitando arena de sitios imposibles…
-”Common People!”, chaval.
-What are you saying?
-”Gente corriente”. Si faes bones stories, puede molar…
-¡Que no, que la mi familia nun pega nada en Instagram! Nin somos rubios, nin tenemos veleru…
-And what else gives?
-Tamos toos gordinos, somos feucos y nun damos bien en Instagram.
-Tampoco te flipes, Adrián.
-Mira la familia de María Pombo: veslos almorzando y paez una película.
-Home, ye otru rollu.
-Los míos almuercen nel cámping y la semeya güel a panceta, paez una xunta d’emergencia…
-Pero son tu familia, tío.
-Que sí, Jimy, pero, yo soi creador de contenido.
-¿Por qué nun-yos propones una aventura en Kayak?
-Porque vamos a Valencia de don Juan. Y pa mi pa la máxima aventura ye jugar a la pocha tomando un tinto de verano.
-That's what there is.
-Les Kardashian faen viajes espectaculares.
-Yá, tronco, pero nun compares…
-By?
-Hai families que sirven pa Instagram y otres que sirven pa tola vida.
-Already.
-Y eses son les que molan: la tuya y la mía.
