uelas en la dormida de la tensa geopolítica.

-Nun puedo más, Chema.

-Ni yo.

-Llevo trés semanes despertando como si durmiera dientro d’una lavadora.

-Pos anda que yo…

-¿Tamién te pasa, vida? ¿Siénteste mal?

-¡Buo! Como si peleara con un osu por una almohada… y perdiera.

-Tamos guapos.

-Ye que tu, Isa…

-Yá empezamos… 

-¿Por qué siempre tienes qu’acabar nel mi lau?

-¿Cómo ye, ho?

-Cada noche ye la misma historia.

-Eso digo yo.

-Me acuesto primero, me acomodo, y depués vienes tu, en plan Putin, invadiendo mi zona de confort.

-No, perdona. Yo limitome a ocupar mi espacio natural.

-¿Quién lo dijo?

-¡El lau izquierdu ye mio desde 2008! ¡Y tengo pruebes fotográfiques!

-Nun digas pijaes. Fuisti ganando terreno, a lo foino, asediando, invadiendo…

-¿Invadiendo? ¡Tu flipas!

-¡Home vaa! Empieces col cuerpu en diagonal y quies colonizar la mi almohada…

-¿Pero desde cuando l’almohada ye tuya? ¡Son gananciales, perdona!

-Una parte ye mía, ¿no? Mi parte. Vamos, digo yo.

-Pero, Chema, si das más vueltes qu’un turista nun aeropuertu… Hai que ponete aranceles, quieras o no.

-Tas buena pa falar, Isa. Pases del rollu fetal a la cucharita invertida…

-¿Quién? ¿Yo?

-Sí, Isina, sí. Dormir contigo ye como participar nos Juegos del Hambre. Nun gano pa hosties. Toi llenu de moratones.

-¿Quién te manda robame la sábana? ¡Venga a tirar d’ella! ¿Qué quies sacar, petróleo?

-Estrategia de supervivencia, cuquina.Si me rindo, quedo col culo al aire. 

-Pos voi poner una línea na cama, como na Guerra Fría.

-¡Pero si me despiertes quince veces cada noche!

-La culpa ye tuya, que ronques como un ataque de drones.

-¿Yo? Pues desperté con un codo tuyo na tráquea y soñé que me interrogaban en Guantánamo.
-¡Home, a ver, ye qu’invadisti’l mi lau!

-¿Otra vez, ho? La qu’invadisti fuisti tu, yo taba nel mi lau.

-¡Puf! Tamos peor que Sumar y Podemos.Los dos nun podemos dormir del lau izquierdu.

-¿Y qué facemos, privatizalu, arrendalu en Airbnb?

-Nun sé, pero nun podemos siguir así.

-¿Qué nos ta pasando, Isa?

-Yá. Antes dormíamos abrazadinos como dos koalas namoraos.

-A ver, vida. Siempre tuvisti mala dormida pero ahora, no sé, te veo afectada pola geopolítica…

-¿Tu crees?

-Faime casu, va haber que dejar de ver telediarios.

-Ya. Más que nada porque no dormimos un pijo.

-Esto ye Corea.

-El mundu derrúmbase, Chema, y aquí nun hai quien duerma.