El kit y la supervivencia.

-Bien cargáu vas, Ferino. ¿Qué lleves ahí?

-El kit, Cholo, ¡toi faciendo’l Kit!

-¿El qué, ho?

-El kit de emergencia. 

-Meca. ¡Qué coses tienes!

-No ye cosa mía, Cholín, eso vien d’allá.

-¿El Gamoniteiru?

-No, home, no, la Unión Europea.

-¿Pero qué unión ni qué mi madre si ta cada unu a lo suyo?

-Yá. Los suecos van al pesto, los finlandeses anden con pastillas de yodo, y los asturianos tirámonos al quesu de La Peral. El casu ye sobrevivir 72 hores.

-¿Y depués?

-No te sé dicir. Pero nun entres en pánico.

-No, yo ahí no paro, voi a lo de Toño, que pon mejor los cacharros.

-Gasta les perres, eh. ¡Nun venir depués a pedime papel higiénico!

-Coime, Ferino…

-¡Que yes un atuñáu, Cholo, yo nun vuelvo a pandemiar contigo!

-¿Y de l’ataque  se sabe algo?

-De momento no.

-¿Va ser al mediudía o al escurecer?

-Nun sé, pero acuérdate qu’a les 2 son les trés.

-Que no, que no, qu’a les 3 son les 2.

-¿Tu crees que van esperar a que pase Eurovisión?

-Nun sé, ¿Por?

-Yo si tienen pensáo atacar pronto, vuelvo comer con gluten. ¿Van avisar?

-Tu, por si acasu, piensa en distintos escenarios.

-¡Sí, ho! ¡Pa poneme a cantar toi yo!

-Non ye lo mismo una catástrofe ambiental qu’un conflictu bélicu.

-Ye otru rollu, sí, cambiate hasta’l papel higiénico. 

-Acuérdate de garrar algo de dinero suelto, por si nos quemen los cajeros.

-¿Quién?

-Los malos, ¿quién va ser?

-¿Pero quién son los buenos? ¿Y el amigo americano?

-Ta como la pija un mono. Nun sabemos si ta con ellos o con nosotros.

-Con esti matu geopolítico nun sé si mercar un estintor o unes rajines de llacón.

-Acuérdate de la cinta adhesiva, Cholo.

-¿Pa qué, ho?

-Pa sellar puertes y ventanes. Imagínate los vecinos de riba…

-¡Buo! Ye verdá. Otra vez a cantar “Resistiré”. 

-Y tou por descuidar la defensa, esto yá lo vía venir yo.

-Sí. Ye mui cómodo subir al corner pero a defender no baja ni Dios.

-Qué pena tou, eh. Yo siéntolo sobremanera por…

-Pola to fía, claro.

-No, qué va, la mi fía arreglase de sobra. A mí lo que me preocupa ye la integridá territorial.

-Normal.

-El tema de la soberanía, son palabres mayores. 

-Yo cuando noto una amenaza esterna danme unes ganes d’andar a hosties…

-Cuidate, anda, qu’igual no nos vemos hasta la desescalada… 

-Si ye que sobrevivimos, yá hablamos.

-Eso, si sobrevivimos, yá quedamos.

-Tú llama, el guaje volverá a la mili y yo a lavar plátanos.