Culetes de psicología facial.

-A mi lo que me salva ye la simetría, Tino.

-¿La qué, ho?

-La simetría facial.

-Pero, Suso, si tu yes más feu que chupa-y los deos a un mecánicu.

-Yá. Pero tengo la cara bien compuesta, simétrica. Y cuando me muevo…

-¿Qué?

-Nótaseme más la simetría facial y, buo, ¡les muyeres flipen, de verdá!

-¿Quién lo dijo?

-¡Elles, Celestino!

-¿En serio?

-Sí, tío. Dicen que mirame a la cara ayuda a dar sentíu al mundo.

-¿Por?

-La simetría representa el orden, y naguamos por ordenar esti estrañu universu. 

-¿Pero qué pijaes dices?

-Lo que se lleva ye gente atractiva con cara cuadrada como yo, como Trump, como Angelina…

-¿Qué Angelina, la del Chato?

-No, coño, Angelina Jolie. 

-Home, vas tu a comparar a…

-Tien la cara cuadrada, como yo, como Trump. Y tenemos un carisma brutal.

-¡Anda, calla, nun bebas más! Que si yo me pusiera a ligar…

-Tieneslo jodío, Tino. 

-¿Por?

-Yes asimétricu y creas tensión visual.

-¡¿Qué tensión ni qué mi madre?!

-¿Ves? ¡Tas crispau! Y con tanta polarización, los tipos asimétricos dais mieu.

-¿Pero qué dices, oveya? Yo…

-¡Tienes un güeyu más cayíu que l’otru, Unu pa Somiedo y l’otru pa Sariego y la oreya izquierda te apunta pa Ribadedeva!

-¡Cuidadín, Suso! ¡Nun me faltes al respetu!

-La simetría ye más atractiva, Tino. ¿Qué culpa tengo yo? Lo que nun se puede ye dejar la cara descompensá.

-¿Cómo ye, ho?

-Dormir d’un lau de la cara provoca asimetría. Y tu, Celestino…

-¿Pero qué sabrás tu cómo duermo yo, mamón?

-Yo lo único que sé ye que yes asimétricu y nun vas ligar nada.

-Pero si siempre ligué muncho más que tu.

-Sí, pero eso yera antes. El mundo cambió. Yá nada se ve igual. ¡Ta comprobáo!

¡Son munchos estudios de Campu! 

-¿D’ónde, ho?

-De Campu Casu. Yo voi pasar ellí tola Selmana Santa y non paro de ligar.

-¿En serio?

-¡Home va! La mi cara ye una parte más del impresionante paisaje natural. 

-¡Ja! Sí, ho. ¡Suso, el simétricu!

-¡Pos sí, señor! ¿Por qué crees qu’esiste la simetría na naturaleza?

-Qué sé yo.

-¡Facilita la percepción visual! ¡Venga, bebe, hai qu’acabar la caja de sidra!

-¿Qué ye, que tienes más sed tovía?

-No, pero hai que acabar toles botelles pa respetar la simetría.