Cuando el miedo al conflicto se vuelve paralizante.
-Pero bueno, Ricardo, ¿nun le vas dicir nada?
-¿A quién?
-Al de la sombrilla, acaba d’echanos mediu arenal enriba.
-Nun se daría cuenta.
-Sí, ho. Cola pinta zamarro que tien… ¡Vete y di-y que…!
-Buena gana tengo de discutir.
-Nun te toi diciendo que-y declares la guerra. Te toi diciendo que…
-Bah, Marga, tamos equí de veranín. Tamos…
-¡Comiendo arena! Por culpa del carapijo esi. ¿Y vas quedate así?
-¿Cómo?
-Ahí, calláu, como un pasmarote.
-Bah.
-¡Hai que poner límites!
-Nun quiero líos.
-Yá tamos…
-¿Qué?
-Tu empieces con “nun quiero líos” y acabes deprimidu.
-¿Qué dices?
-Tienes mieu al conflictu, Ricardo. Y depués pasa lo que pasa.
-¿El qué?
-Que lo tragues tou, y éntrate una ansiedá y…
-Déjame de follones, anda. Yo tengo…
-Unos huevazos tienes, Ricardín, que…
-¿Qué ye, ho?
-Que paeces de pasta flora. Nun me lo esplico.
-Hai que convivir, Margarita.
-¡Convivir nun ye dejar que t’aparquen una sombriella na cabeza!
-El probe nun se dio nin cuenta.
-¡Miralu, ho! ¡Tien más cara qu’un sacu de muñecos! Como vaiga yo y…
-Discutir nun sirve pa nada.
-Asi tas tu, Ri, que te tomen pol pito del serenu.
-¿Y qué ganes discutiendo?
-¡Ai madre! ¿A ti pasóte algo de pequeñu?
-¿Qué, ho?
-Algo vas tener. Mieu al abandonu. Al rechazu. Necesidá d’aprobación…
-Nun digas pijadas, Margarita, por favor.
-Pero, vida, si hasta nos mangó la nevera enriba de la toalla.
-Nun pasa nada, muyer. Asina refresca.
-Hai que poner límites, Ricardo.
-Bah. Buena gana de…
-¡Nun puedes dir pola vida asina! Depués, la mala soi yo.
-¿Pa qué vas andar molestando y…?
-¡Pero si fue él, fue esi cabrón el qu’empezó…!
-Habla bajo, a ver si va escuchate.
-¡Como vaya yo y lu agarre pol…!
-Calla, Marga, y vete hinchando’l flotador.
-¡Di-y algo, por favor!
-Buena gana de…
-Ricardo, tienes qu’aprender a llevar la contraria.
-¿Y si se enfada?
