El márketing viral amenaza a la pareja estable asturiana.

-¡Velinoo! ¿Entós?

-¿Eh? Meca…

-¿Qué meca nin que mi madre? ¿Qué coyones faes tu equí?

-Yo…

-¿Dende cuándo vienes tu a la compra, ho?

-Na. Ye que… Yo…

-¿Nun tabes viendo a los obreros trabayar?

-Sí. Pero… Yo.. Non…

-¿Non qué? ¡Fala, coño, dime! ¿Qué ye, que yá non me recuerdes?

-¿Recordate? ¡Nin que fueras la mi contraseña!

-¿Y la piña?

-¿Eh?

-¿Qué faes con esa piña boca abaxo?

-Nun sé, Mari, entráronme unes ganes de macedonia…

-Ah, ¿sí? ¿Y cómo ye que te mudaste, zamarro? Traes la ropa de los domingos.

-¿Eh?

-¡Puf! ¡Y menudu tafu a colonia! ¡Güeles peor que l’autobús pel branu! 

-Ya. Yo…

-¿Qué andes buscando, Velino? 

-¿Y tu, Maricarmen?

-¿Yo qué?

-Tocando paquete, gochona…

-Ye un paquete d’arroz, Velinín.

-Yá, Mari, pero tontu nun soi, eh. Te vi antes lluciéndote na sección de lácteos.

-¿Yo?

-Sí, tu, sí. ¿Qué andes buscando? ¿Un yogurín?

-¿De verdá pienses eso de mi? ¿Tienes cuernos?

-Nun sé, Mari, tengo tantes coses na cabeza.

-Yá, claro, y lechuga nel carru. Como diciendo: quiero un rollu d’una nueche, que caduque rápido…

-¡Ja! Peor ye lo tuyo. 

-¿Lo mío?

-Sardines n’escabeche, qué vergüenza.

-¿Por?

-En plan: busco algo duradero. ¡Y a poder ser que tenga perres!

-¿Perres?

-Sí, Mari, ¡perres! Que pa eso metisti l’aceite. ¿O pienses que soi gilipollas?

-A ver, Velino, que yá somos mayorinos para andar cayendo nestes babayaes.

-Dígotelo yo. Amás, somos pareja estable, coño.

-Home, claro.

-Una relación seria.

-Anque tu, fíu…

-¿Qué ye?

-Tas más salíu que la punta d’un paragües.

-¿Y tu qué, Maricarmen? ¡Obsesioná coles ofertes!

-Siéntome tan deseable…

-¿Cómo ye, ho?

-¿Damos la putivuelta?

-¿Eso quies, Maricarmen?

-Nenguna muyer sabe lo que quier hasta que lo ve en oferta..