¿Debes responder un whatsapp de trabajo en fin de semana?

-¿Viste el WhatsApp o nun lo viste?

-Lu vi, lu vi.

-¡Ah! O sea, que me dejaste en visto.

-No, jefe. Dejelu en “mañana será otru día”.

-Qué falta de profesionalidá. Lo mínimo ye contestar, Jose.

-¿Pero qué quier que-y diga?

-Nun sé, “toi liau, lu miro depués”…

-Ahí yá entramos en conversación. Eso ye abrir una puerta…

-Yo, Jose, siempre respondo cuando m’escriben.

-Porque usté ye jefe.

-¿Y qué?

-Los jefes tenéis una enfermedá bien rara: pensáis que ye lunes los siete díes de la selmana.

-¡Taba agobiáu, Jose!

-Si usté ta agobiáu y me pasa l’agobiu a mi, el estrés va faciendo cadena y acabamos jodiendo el fin de selmana a media Asturies.

-Ponte en mi lugar, Josín.

-Home, jefe, si yo tuviera la so nómina…

-El tresportista llamando, el proveedor missing, yo solu en casa, sin saber qué facer…

-¿Y al final qué fizo?

-Llamé a Manolo.

-¿Y Manolo qué fizo?

-Nada.

-¿Entós?

-Pero cogióme’l teléfono y escuchóme renegar venti minutos.

-¿Ves? Usté nun necesitaba un empleáu. ¡Necesitaba terapia!

-Pero lo del proveedor, Jose, ye cosa tuya, tu lleves esi tema.

-Yo llevo esi tema de lunes a vienres. El sábadu llevo’l tema de sobrevivir a la mi familia. Y tomar unos culetes a partir del vienres a les siete.

-Nun te costaba nada responder.

-Tampoco-y costaba nada a usté nun escribir.

-Home, si toos desconectáis…

-Pos igual el lunes llegamos sin cara de difuntos.

-Antes, Jose, la gente taba disponible.

-Antes, jefe, la gente fumaba nel Alsa. Agora yá se fastidió.

-Pero si hai una urgencia…

-Si esplota algo, llámesme. Si sale fumu, llámesme. Si un cliente amenaza con venir equí a matanos, llámesme. Pero pa tocame los co…

-El cliente taba nerviosu.

-Y yo, nun te fastidia…

-¿Tu? ¿Por qué?

-Porque taba nuna terraza con unes botelles de sidra y vi apaecer el so nome nel móvil. Un sábadu a les 18:43h…

-El trabayu nun entiende d’horarios.

-La mi ansiedá sí, jefe. Y tien oficina de 9 a 18h. 

-¡Coime, pero un sábadu de tarde, Jose…!

-¿Y si toi faciendo el amor?

-Una cosa ye la desconexón digital y otra la ciencia ficción. ¡Qué puta manía de desconectar!

-Llámase “fin de semana”, jefe. Un inventu de la humanidá pa nun estrangular a los compañeros de curro.

-¡Home, si toos ficieren lo mesmo…!

-Viviríamos mejor, yá y-lo digo yo.