La banda AC/DC cumple 50 años y anuncia su gira europea.
-¡50 años, tío!
-¡Wooooo, cómo pasa’l tiempu!
-Somos incombustibles, Luis Ángel. Tamos nel meyor momentu.
-Sí, ho.
-Unos guajes, tío.
-Sí, ho.
-Los primeros sesenta años de la infancia son los más chungos. Depués yá…
-Nun creas. Tola vida dicíenme: yá vas ver cuando tengas sesenta, yá. Y nada.
-¿Cómo que nada?
-Que yá tengo sesenta y veo menos qu’un pez pol culu.
-¡Pero vuelve AC/DC! ¿Vamos a velos a Sevilla?
-¿Non te digo que nun veo un pijo? Toi peor que Rompetechos.
-¿Qué ye, Luis Ángel, non te emociona’l lanzamientu?
-Yá non toi pa que me lancen nada.
-¿Entós?
-Na, tío, cola prexubilación xingóse’l rock and roll.
-Calla, ho.
-La alopecia, Fredo, eso foi lo que me mató.
-Nun digas pijadas, somos hestoria del rock.
-¿Quién? ¿Tu y yo?
-¡Satánicos y de Sotiello!
-Yá, tío, pero…
-¡Wuuooo, Luis Ángel! ¡Teníamos una banda coyonuda!
-Sí, pero pa fumar petas, trucar motos y engarraianos ente nosotros.
-¡Tu yes un referente nes colomines!
-Na. Yá nun tengo gracia nin p’andar a hosties.
-L’espíritu roqueru nunca se pierde, Luis Angel. Fuisti un cantante coyonudu.
-Eso ye lo que diz la mio ex muyer.
-Daba gusto vete glayando pola cai, potando nos conciertos…
-¡Wuaaa!
-…Tocando aquel riff en guitarres invisibles.
-¡Wuaaa!
-¿Alcuérdeste cuando te dixo aquel segurata del aeropuertu: saque tol metal que lleva dientro? Y tu: ¡¡¡Living easyyyyy, livin’ freeeeee!!!
-¡Wuaaaa, chaval, unos punteos na puerta d’embarque…!
-¡Echáronnos de Ranón!¡Armose la de mi madre!
-La xente siempres foi bien chunga. A mi nun facíen más que criticame.
-Dicíen que teníes mucho viciu: la chupa en invierno, la chupa en verano…
-Nunca pudi vivir ensin la chupa de cuero.
-Nin yo, tío. Nunca nos entendieron.
-¡Qué tiempos! ¡Cola marcha qu’había na cuenca!
-Antes, nes colomines oyíase música punk, hard rock…
-Agora ye too mierda: ¡Reguetón, el putu reguetón!
-¡Hai qu’aguantar, compañeru!
-¿Ónde tienes les cadenes, la petrina de pinchos y tou aquello?
-Vendilo al chatarreru. ¿Y tu? ¿Tienes los amplis na carbonera?
-Nun tengo nin carbonera. Vendí’l vale de carbón…
-¡Cagonrós!
-¡¡¡Living easyyyyy, livin’ freeeeee!!!
-Tócala otra vez, Luis Ángel. Déxame recordar.
-Hey, Sataaaan! Hey, Sataaaaaan!
-Compañeros del metal.
