El Chi de Richi.
-¿Pero qué te pasa, Richi?
-Nun sé. Nun tengo fuerces ni pa quexame.
-¡Menudu caretu, chaval! Vaya resacón.
-Setiembre, tío. Siempre me pasa igual.
-Ye malo d’arrancar, eh.
-¡Buo! Ye como enero pero sin cava ni uves: tráfico, curro, factures…
-Na. Lo que tienes que facer ye siguir el to reló biolóxicu chinu.
-The what, ho?
-Cada órganu ye como una autovía: tien les sos hores punta.
-What what, ho?
-Escucha’l to cuerpu, Richi. Y aprovecha los tos picos, tío.
-¿Pero qué picos, Bonifacio?
-Los tos picos d’energía. Cada órganu tien unes hores de máxima energía.
-Who said it?
-La medicina tradicional china. Si faes la actividá adecuada nesi momentu, ¡tienes salú, energía y bon humor!
-Yes, ho.
-Setiembre ye’l mes del renacer interior.
-Pos yo renací… pero cansáu.
-Sincroniza col to reló biolóxicu chinu, Richi.
-El míu va ser falsu. Si ye de los chinos…
-Nun digas pijadas. ¿Nun notes qu’ente les 3 y les 5 de la mañana tienes los pulmones a tope?
-Nun sé, yo despierto de golpe y pongome a toser como si tragara confeti.
-¿Y a les seis de la mañana, el intestino gruesu nun te manda mensajes secretos?
-Sí, ho: “Nunca más kebab de madrugada”.
-Tienes que sincronizate col to reló, faeme casu.
-Na. El mi reló ye de cucu.
-What are you saying?
-A cada hora sale’l cucu y grita: ¡Otra ronda!
-Calla, ho. ¿Qué hora ye?
-Les 8, deben ser. ¿Vamos tomar daqué?
-Non, home. Ahora el chi tan centrau nel pericardio.
-The what, ho?
-Protégete’l corazón, nun se pué andar chumando.
-Tas guapu, Bonifacio. ¿Y de nueche vienes a la verbena?
-Qué va. De nueche tengo’l chi recorriendo la visícula biliar.
-¿El chi, eh?
-Sí, la energía vital..
-Jobar, menuda empaná.
-El chi ta en tou: nel aire, nos árboles, nel té verde…
-¿Y vien con piles incluíes o se venden aparte?
-Déjate de pijadas, Richi y fai casu a los chinos.
-Lo que me faltaba.
-Tienes que sincronizate colos ritmos naturales del to cuerpu.
-Yo intentolo.
-So?
-Lo difícil ye sincronizar el mi cuerpu cola folixa que nos queda y tolos programes de festejos.
