Días de recogimiento.

-¡Severino! ¿Cómo ye lo tuyo?

-Yá ves. Equí, nel Spa.

-¿Spa?

-Sí, Fredo, me tumbé un ratín y quedé pegáu al sofá…

-¿Pero tu non dibes de vacaciones?

-Tengo mieu.

-That Ho?

-A los aviones, a los trenes, a los autobuses y a la xente que se llevanta a les cinco de la mañana con una maleta con ruedes.

-¿Y te paez normal tar en pijama a la una del mediudía!

-Esto yá ye ropa de tarde. El pijama de mañana tenía manches de casadiella.

-Pero, Seve, tol mundu ta de playa.

-¡Y yo tamién!

-What, ho?

-Mira. Ta la mar picada. Y yo equí, en primer llínea…

-What is that?

-Benidorm en YouTube esfrútase más.

-Shut up, man.

-Sin el mogollón de xente, sin arena nel bocadillo y sin nengún oveya que me pise la toalla.

-¿Pero vas pasate equí tola Selmana Santa?

-Todo incluído, chaval: sofá, aire acondicionáu natural…

-¡Vas garrar frio con esa ventana abierta!

-¡Qué va! En cuanto pare de orbayar, salgo al prau a mexar.

-But…

-Mexo fuera y vuelvo entrar, ¿oíste? ¡En plan escapada rural!

-What a plan!

-Visita guiada a la nevera, buffet llibre y…

-¿Y les procesiones?

-Faigo la Procesión del Prendimiento.

-How are you, ho?

-Prendo la tele y toi hasta les tantes, hasta que canse o se fastidie’l mandu a distancia.

-¿Pero vas pasate les vacaciones mirando pantalles?

-De noche me asomo a la ventana y miro al infinito pa recordar amores perdíos.

-¿Tienes amores perdíos, Severino?

-Sí, ho. ¡¡¡Toos!!!

-Bueno, anda…

-La procesión va por dentro, Fredo.

-Yá lo veo.

-Lo mío ye tomar unos caciplos y vivir el recogimiento.

-Y yo que pensé que yeres cofrade, compañeru.

-Sí, ho. Del Santu Pigazu. ¡Jojojo!

-Qué castrón. ¿Pero entós pa qué me dixisti que dibes de vacaciones a Benidorm?

-Penselo meyor. Digo: nun tengo nin perres, nin ganes, nin necesidá d’engarrame cola xente, que ta tou masificao..

-Ya, ya.

-Así, a lo pijo, me tumbé un ratín y quedé pegáu al sofá…

-El turista accidental.