La importancia de vivir el momento presente.

 

-¿Qué esperes, Berto?  Siempre igual.

-By?

-Lleves venti minutos mirando’l móvil como si fuera una bola de cristal.

-Tengo una gana de que lleguen les vacaciones…

-¡Espabila, anda!

-Necesito desconectar, Poli.

-¿Desconectar de qué? Si yá tas desconectáu del presente dende 2010.

-¡Calla, ho! ¡Cuando lleguen les vacaciones voi ser feliz!

-¿Ves? Siempre tas en modo espera, yes un flipau.

-¿Y qué tien de malo esperar algo prestoso?

-Que mientres esperes, te tas perdiendo lo que yá tienes.

-¿Qué tengo, Policarpo?

-Una botella sidra, una tarde sin trabayar y un amigu espectacularmente guapu delantre.

-¡Eso último, Polín, nun lu veo claro.

-¡Porque sigues mirando’l móvil, oveya! ¡Llevanta la cabeza!

-Necesito ilusioname

-¿Ves? Como siempre. ¿Te alcuerdes cuando esperabes l’ascensu nel trabayu?

-Yes, ho.

-¿Y cuando llegó, qué? ¡Pensasti que’l siguiente ascensu diba ser meyor!

-Claro. ¿Entós?

-Nunca vives el presente, nun sabes disfrutar.

-By?

-Cuando consigues algo nun lo celebres. Lo conviertes en tráiler del siguiente problema. ¿Te alcuerdes de les vacaciones del añu pasáu?

-Sí, ho. Tuvieron bien…

-¡El segundu día yá tabes mirando vuelos para l’añu siguiente!

-Ye que soi previsor.

-Yes tuntu, un turista del futuru. 

-¿Y tu qué, ho?

-Yo soi feliz con coses pequeñes. Nun vivo como tu, atrapáu en modo espera. 

-Prefiero eso a nun esperar nada.

-Esperes tanto, Bertín, que cuando llega yá tas cansáu. Eso ye bien asturiano.

-The what, ho?

-Paez que lo llevamos nos genes. Tola puta vida esperando: a que pare de llover, al branu, a que pongan l’AVE, a que quiten el peaje, a salir del descensu, a entrar en playoff… 

-¿Qué quiés? N’Asturies nun vivimos rápido, vivimos en manera “veremos ver”.

-¡Anda, toma un culete!

-Wait, ho!

-¡La sidra nun puede esperar! ¿Nun lo sabes yá? 

-Toi mirando que nun me fastidien les vacaciones ente los trenes, el gasoleo y Volotea.

-Tol putu día planiando… ¡Vive’l momentu, Josialberto!

-What do you want me to do?

-¡Bebe sidra como si nun esistiera mañana!

-Hey?

-Ye lo meyor, faime casu: filosofía asturiana.