Regalos que son un certificado de defunción.

 

-¿Y me llamas tres días después para romper?

-El sábado tovía tenía esperanza. El domingo, resaca. El lunes, lu vi dobláu na silla…Y diome un ataque d’ansiedá.

-Marga, yo…

-Acabóse.

-¿Por un pijama?

-Por tou lo que vendría dempués: el tedio, la manta eléctrica, el crucigrama…

-Toi flipando, Marga. Pensé que te gustaría.

-Eso ye lo que más duel, Josinacio, que pensasti. Nun me conoces en absoluto.

-¿Cómo que no? ¡Ye de la tu talla!

-Toi farta. Acabóse.

-By?

-L’añu pasáu una bata de guatiné…

-Pa tar calentina en casa.

-L’anterior, el mismu perfume que usaba tu ex…

-¿Qué ye, que güel mal?

-Lo nuestro, Nachín, ye lo que güel mal. La nuestra relación.

-By?

-¿Qué será lo próximo, un juegu de sartenes?

-Si lu quies, te lu pido pa Reyes…

-Yo regaléte una escapada a Lisboa con cena romántica incluída. ¿Nun captes la diferencia?

-Sí, ho. El viaje ye pa los dos. ¡El pijama ye pa ti sola, mi amor!

-Yo regaléte una experiencia, tu regalástime una rendición.

-¿Rendición de qué, ho?

-Nun ye’l regalu en sí, Josinacio, ye lo que simboliza.

-¿Pero qué tien de malo un pijama de felpa, Margarita?

-Que tu me ves como alguien que s’apaga a los diez, ve “Pasapalabra”, y usa el mandu a distancia como si fuera’l cayáu de jubilada.

-No flipes, Marga. 

-Un regalu equivocáu ye la prueba irrefutable de que pa ti yo nun ocupo’l mesmu llugar que tu ocupes pa mi.

-Hai que se joder… ¿Y por qué nun melo dijiste el sábado?

-A ver, Josinacio. Nun te diba dicir: así, ahh, sigue, más fuerte, sí, síi, qué mierda de pijama, guapín…

-¡Te acostaste conmigo sabiendo que me dibes a dejar!

-Home, Nacho, pa un día que te animes tenía qu’aprovechar.

-Te juro que toi flipando.

-Esto nun ye un regalu, Josinacio, ye un certificáu de defunción.

-¿Pero qué esperabes? ¿Un reló inteligente?

-Lo nuestro murió, Nachín, acabóse.

-¿Pero por un pijama, vas dejame por un puñeteru pijama?

-A ti, fíu, sacándote del sábado sabadete… 

-¿Pero qué dices, Marga? Yo te amo.

-What's up, what's up.

-¡Putu pijama! Descambialu, ¿oíste? Nun sías boba. ¿Y lo de Lisboa?

-Yá me da igual. Por mi como si vas a Valencia de don Juan.

-¡Cagonrós! La culpa ye mia por regalar…