Márketing erótico.

 

-Tienes que dicilo, Cosme. Sin mieu, alto y claro.

-Soi buenu… Soi… Soi…

-Venga, Cosme, ¡dilo!

-¡Soi buenu na cama!

-¿Ves? Nun pasa nada.

-¡Uf! ye que nun toi seguru… Igual soi del montón.

-¿Y qué? El sexo ye como l’horóscopo: caúnu lo interpreta como quier…

-Pero, Salva, yo…

-¡Tu dilo! Y si lo dices convencíu, ¡cuela!

-Pero si tengo que levantame a metá del actu a buscar el inhalador…

-Eso ye sexo con apnea controlada. 

-¿Ah sí? Nun sé. Yo faigo lo que se puede colo que se tien.

-¡Calla, ho! ¡Eso ye peor que dicir que colecciones imanes de nevera!

-¿Pero qué quiés que te diga, Salvador?

-¡Hai que saber vendese, como los yogures!

-¡Ja! Yá nun soi nengún yogurín, Salva…

-Yá. Pero si nun pones “ricu en proteínes”, naide te mete nel carrín.

-Sientome torpón, pongome nerviosu, y rompo a sudar.

-¡Porque yes volcánicu, Cosme! ¡Generas humedá tropical!

-No jodas.

-Claro, tío. L’autoestima ye clave.

-¿En serio?

-Tu te crees un tigre, y de repente, ruges. 

-Yo soi más d’estornudar. Sobremanera, si duermo destapau.

-¡Pos ruges mientras estornudes! ¿Oíste? ¡Lo importante ye la percepción!  

-¿La qué, ho?

-Si tu nun te crees sexy, ¿cómo van creelo los demás?

-¿Y si depués nun doi la talla?

-¿Cómo que non? ¡Desde que llegó Garitano, la plantilla pegó un estirón!

-Ya, Salva, pero yo…

-¡Tu yes el Buda del Kama Sutra!

-¿Lo del Buda, qué ye pola calva y la barriga cervecera? 

-Eso tienes qu’esplotalo. ¿Qué más da qu’ella te diga mi Buda que mi vida? 

-Yá, tío, pero yo cuando saquen el tema bloquéome, nunca sé qué dicir.

-Saca pechu y suelta una frase potente. “Nun soi’l meyor… pero repiten.”

-Uf. Eso suena a eslogan de restorán cutre.

-¡Correcto! ¡Y los restoranes cutres siempres tán llenos!

-Meca. ¿Y si depués decepciono?

-Pones música, saques quesu curáu y finges una ciática. ¡Pero tu con dignidá!

-¿Y si me pillan la mentira?

-Na, Cosme. La xente quedase cola actitú. 

-¿Tu crees?

-El sexo ye autoconfianza, entusiasmo y saber  ónde ta’l interruptor de la llámpara pa nun date cola mesita.

-Tas como un cencerru, Salvador.

-Sí, ho. Un cencerru porque vibro y vibro na frecuencia del amor.

-Desde que te separaste tas tiráu a la calle, Salvador.

-Aquí o vendes Ferrari anque andes en bici o nun mira nin Dios pa ti.

-Pero, Salva, yo…

-A ti nun te falta talento, Cosme, lo que te falta ye márketing eróticu.

-Home, yo…

-Tienes que dicilo, Cosme. Sin mieu, alto y claro.

-¡Soi buenu na cama! ¡Soi buenu na camaaaaa!

-¿Ves, oveya? Nun pasa nada.