El placer consciente en las relaciones íntimas.

 

-Despacín, Ricardo. Non ye cuestión d’andar con prisas.

-Pero… ¿Entós?

-Ye cuestión de presencia. De tar equí, agora. De sentir. De respirar.

-¡Buufff!

-¿Qué ye?

-Toi hiperventilando, Mari, ¿nun me ves?

-Slow, Richi, slow…

-¿Cómo ye ho?

-Conciencia plena. ¿Oíste? Cada caricia, un universo. Cada mirada… 

-¡Cagonrós, Mari! ¡Llevamos dos hores acariciándonos el dorso de la mano!

-¿A que mola, eh?

-Nun sé, creo que me ta saliendo callo.

-Porque non te relajas. Tienes que dejate llevar. Siente mi…

-Lo siento.

-¿Sientes yá cómo vibra mi energía femenina, cómo…?

-Non, Mari, que lo siento, que tengo que marchar.

-¿Ónde vas dir, oveya? 

-Tengo agujetas nel deu meñique. ¿Nun podemos acelerar un puquiñín?

-Slow…

-Anque sía pasar al índice…

-Slow, Richi, slow. Calma y conciencia plena…

-¡Cagonrós! ¡Va garranos equí’l partíu de vuelta!

-¿Qué partíu? ¿Ves? ¿Ves cómo tas pensando n’otra cosa?

-María, que llevamos equí dos hores y yo tengo más coses que facer.

-Pos olvidalas y pon la to mente nel presente. Presta atención.

-¿A qué, ho?

-A les sensaciones físicas, a les emociones…

-Anda, Mari, nun me…

-¿Ves? ¡Tas mal acostumbráu! ¡Vas a lo que vas!

-¿Yo?

-Quies una gratificación sexual rápida. Y la cosa ye al revés.

-¿Cómo qu’al revés?

-Desacelerar, tar presente nel momentu y cultivar una conexión profunda.

-¿Pero qué conexión nin que…?

-Con unu mesmu y cola pareja. 

-¡Buuff! ¡Toi más caliente qu’un pelotazu na oreya!

-¡Chissst! Relájate, que tas coloráu como un tomate. Fluye conmigo, Richi.

-Si fluyo más, acabo n’urgencies. 

-Slow, Ricardo…

-¿Pero qué mi madre tamos faciendo?

-La revolución.

-¿El qué, ho?

-La intimidá sin prisas ye la nueva revolución de la pareja.

-¿Y qué ye, que güei non se cena?

-Slow Sex, Richi. Depués, si eso, yá te frío unos mirlotos.

-Acabes conmigo, María. 

-Nun hai que correr, oveya, hai que conectar.

-¿Pero a qué velocidá? Porque yo yá toi en 5G y tu vas nel módem de los 90. Y sin tarifa plana.

-¡Relájate y calla!

-¿Quiés creer que me dio un calambre? Tengo un formiguéu nos deos…