La gaviota que colmó el vaso.

 

-¿Qué ye esto? ¡Cagonrós!

-Home, por favor…

-¡Fuera, Pati, fueraaaa!

-¿Ye amiga tuya? 

-¡Ye la Pati, ho! ¡La Patiamarilla, la madre que la sibló!

-¡Vienen por nosotros, Belardo!

-Na. Vienen poles aceitunes.

-Qué va, lo que yo te diga. La cosa ye jodenos el verano: por tierra, mar y aire.

-Home, Joseluis…

-Antes había un respeto. Agora, hasta les gaviotes son una mafia con ales. Vas ver el día que la UCO se meta con eso…

-¿Tú crees, ho?

-Tamos arrodiaos, Belardo. Cualquier día vien un dron y cágate enriba.

-Yá, eh. Tán pasando coses bien rares, Joseluis…

-Antes se veraneaba con decencia. Nun había gaviotes ladrones, nin zumbaos con patinetes eléctricos. ¿Por qué crees que les gaviotes viénense arriba?

-Home, al ser aves y tener ales…

-¡Mafia, Belardo! ¿Nun ves nada raro?   

-Hai más guiris que sardines. 

-Les terraces llenes de modernos con barbes, paecen leñadores en chanclas. 

-¡Nun puedes poner la toalla na playa porque hai más sombrillas qu’arena! 

-¡Y hai más perros que persones! 

-¡Esti día vi un beagle con sandalies y perreando…!

-¿El beagle?

-Non, la dueña. Venía perreando col reggaetón  a tope. En pleno paséu…

-¡Esto yá non ye branu, ye un infiernu. 

-¡Suciedá, ruios, barullos, malos olores…!

-Y los guajes, que nun hai quien los aguante: corriendo, pegando balonazos… 

-Ayer diome unu na nuca y el padre: “Ye que ta aprendiendo”. ¿Aprendiendo a qué? ¿A delinquir?

-¡Asina ye tou, Joseluis! La xente nun sabe. Y el que sabe, calla.

-Equí la Pati esta coló cola aceituna y naide faise responsable. Yá nun hai camareros como los d’antes.

-Antes había un respetu, paisanos de verdá: Pepe, Manolo, Tino… Agora tol mundo llámase Dylan, Yoni, Kevin…

-Esto parez un equipu de primera RFEF.

-¿Y los helaos? “Chill and trill”, “Scoop and smile”… ¡Anda, a tomar pol culo!

-¿Tu probasti’l heláu d’aguacate? ¡Sabe a yeso húmedu! 

-¿Ves? ¡Vienen a por nosotros, Belarmo! ¡Per tierra, mar y aire!

-Yá nun hai educación nin hai nada, Joseluis. 

-Atascos, precios por les nubes, les motos runfando, petardos, solazu…

-Mira qué calor, ho. Esto ye inhumano.

-Esto ye verano pa los lagartos, non pa la xente.

-¡Dios mio, llévame pronto, antes de setiembre!

-¡Calla, ho! O dempués de San Mateo, qu’hai qu’aprovechar el bollu preñau.

-¿Pa qué? Pa que te lu robe una gaviota. ¡Tan por tolos laos!

-Tienes razón. ¡Cagonrós! ¡Yo marcho!

-Pera, ho…

-¿Qué pera ni qué mi madre? ¡Esta ye la gaviota que colmó’l vasu!