El fenómeno therian.

-¡Fute! ¡Fute!

-Pá, que soi yo.

-¿Qué faes ahí, Jose Manuel?

-Soi therian.

-¿Qué yes qué, ho?

-Ye una identidá espiritual, pá. Siento una conexión felina…

-¿Con quién?

-Cola vida.

-¡Josín, baja de la silla, nun me toques los…!

-Un respeto, papa. Toi explorando quién soi.

-Y yo tamién, nun te fastidia. Qué me vas contar…

-Miau.

-¡Cagonrós! ¿A quién maté yo? 

-Miau.

-Marcha tu madre con otru, tengo la vida fecha un sudoku y tú convertíu en Garfield…

-Miau.

-¡Deja yá de miagar, Jose Manuel, que paeces un Pokémon triste! Y camina normal, que me tas dando ansiedá.

-Los humanos camináis erguidos por imposición social.

-¡Home, pa eso evolucionamos! ¿Qué pasa, que tú nun yes humanu?

-Nunca lo fui, pero non lo quisistéis ver.

-¿Cómo ye, ho?

-¿Recuerdes cómo m’espurría de pequeñu?

-Claro, yo pensaba que queríes ser porteru. ¡El nuevu Ablanedo!

-Na guardería llamábenme’l bigotes…

-Teníes dos años Jose Manuel.

-Sí, pero siempre me dijiste que yera más raru que los gatos y que solo apaecía a la hora de comer.

-¡Baja, Josín! ¡Que te doi cola zapatiella, eh!

-¿Por qué crees que pasaba’l día sentáu frente al ordenador?

-Coño, porque yes informáticu.

-Non, pá, pa vigilar el ratón.

-¡Ai, la madre que te…!

-Miau.

-Calla y vístite, que voi llevate al psicólogu.

-Nun necesito un psicólogu.

-¿Qué necesites?

-Una ventana soleyera.

-¡Puf! Tu madre y yo sacrificándonos pa que fueras a la universidá y ahora date por ponete a maullar.

-Nun lo entendéis porque sois otra generación.

-¡Nun muevas la cola, Jose, y habla con propiedá!

-Ye algo profundo, pá, una identidá. N’internet hai miles como yo.

-¡Buo! Tu madre desaparez y yo aquí, solín, con un gatu adolescente…

-Solo pido que m’escuches y nun me juzgues.

-¿Y si te subes a la nevera a les trés de la mañana?

-Háblamoslo, papa, nun pasa nada.

-¡Ai Mariamor vaya matu que me dexasti! Qué felices yéramos cuando te dicía: ¡Cierra la puerta, vida, que s’escapa’l gatu! ¡Vaya matu!