Ventajas del Gran Apagón.

 

-¿Y tu, Velino, qué fixisti durante l’apagón?

-Como nun había móvil nin conexón a internet, tuvi reconectando conmigo mesmu.

-¿Cómo ye, ho?

-Na. Dejé un espaciu pa escuchame. Y quedé asustau.

-¿Por?

-Si ves que pijaes digo.

-A mi me lo vas contar…

-En serio:  “nun subimos”, “nun soi capaz”, “¿seré  papable?”…

-¿Pero quién diz eso?

-Tengo una voz interna, Tonio, que nun deja de criticame. 

-¿Pero qué me tas contando, Velino?

-Cuando l’ego toma demasiáu control, afuega nuestra luz interior. 

-¿Quién, ho?

-Tuvi que reseteame y reencontrame conmigo mesmu. Y todo gracies al apagón.

-¿Por?

-Como recomendaron nun coyer el coche, digo: ¡cagonrós, voi facer mi viaje interior!

-¿Y qué?

-Flipé, Tonín, has de probar.

-¿El qué, ho?

-Cuando despiertes tu luz interior te la pela la caída de la eletricidá.

-¿Cómo ye, ho?

-¡Esa bombilla ye lo de menos! ¡Tu luz ta esperando, Tonio, faime casu!

-Meca, cuñau, tas guapu.

-La decisión de brillar y vivir desde tu esencia ta nes tos manos. 

-¡Puf! Tas más confundíu qu’Adán  el día de la madre.

-Tienes qu’aprender a convivir cola oscuridá.

-Yá toi acostumbrau. Siempre salgo del chigre de nueche cerrá.

-¿Pero nun quies cargar el to cuerpu d’energía positiva?

-Na, prefiero la sidra.

-Reconecta contigo, Tonio, inténtalo.

-¿Quiés callar?

-¿Fai cuántu que non te preguntes cómo tas?

-¿Yo? ¿A mi?

-Sí, claro, a ti mesmu pero de verdá.

-Nun t’entiendo, Velino, en serio te lo digo.

-Necesites recuperar esa chispa vital que te recuerde quién yes en realidá.

-Soi’l to cuñáu, y yá non te aguanto, chaval.

-¿A mi? ¿Pero por qué?

-Siéntome como un prau ensin vaques.

-¿Cómo?

-Desganáo. Toi desganáo.

-¿Ves? Eso ye porque non te paras a escuchate, busca tu luz interior.

-Valió, Velino. Valió.

-Si tu sol brilla, apaga la bombilla.

-¿Quiés callar d’una vez, ho?

-Eso. Vale. Callemos. Fai como yo.

-¿El qué?

-Escríbite una carta y guarda silencio.

-¿Te escribiste una carta? ¿Y qué diz?

-Nun sé, llégame mañana.