El chigre se caldea por la tremenda injusticia del peaje del Huerna.
-¡¿Queréis vivir arrodillaos delantre d’una máquina de tickets?!
-¡Nooo!
-¡Yo nun nací pa pagar peajes cada domingu! ¿Y vosotros?
-¡Tampocoooo!
-¡Vamos a secar a León, non a que nos dejen secos pagando’l putu peaje!
-¡Ahí, Mel, qué finu yes!
-¡Ignórennos en Madrid, nos marean en Bruselas y véndennos la moto n’Uviéu! ¿Vamos siguir asina, ho?
-¡Di que sí, Mel, yes igual que Willian Wallace, solo qu’él tenía falda escocesa!
-¡Yo lo que tengo son percebes nos coyones de tanto pagar!
-¡Ahí, Mel, mundial!
-¡Trenta años pagando y agora dicen qu’igual pal 2050…!
-¿Cómo ye, ho?
-¡El Huerna nun ye un peaje, ye un secuestru con recibu!
-¡Tal cual!
-¡Lo que quieren ye que quedemos toos encerraos, como en Jurassic Park!
-Ye como’l cuñáu que tengo viviendo na mio casa: diz que un día va marchar, pero yo venga a pagar la compra, toles factures y venga a pagar y pagar…
-¡Pueden quitanos la vida, pero nunca van poder quitar nuesa llibertá!
-¡Ahí, caliente! ¡Qué finu yes!
-Agora ye la nuesa oportunidá. ¡Si nos unimos, podemos ganar!
-¡Ye que esi bichu ye ilegal! ¡Diz que van recurrir!
-¡Recurrir, recurrimos nosotros, pero a la cartera cada vez que pasamos pol putu peaje!
-¡Ye verdá, Mel! ¡Que picu tienes! ¡Hai que te querer!
-Que pinten el pijo, ¿oíste? ¡Que si ellos son cabezones, los asturianos más!
-¡Home vaaa!
-¡Mira La Reconquista: ocho siglos de cabezonería! ¿Nun ye verdá?
-Igual pa cuando lu quiten, en vez de coches pol Huerna, van pasar naves espaciales.
-Y aún así van poner peaje: “Diez euros por cápsula intergaláctica y once si lleves remolque”. Como si lo viera…
-A mi sáleme más caro cortejar en La Bañeza que dir unos díes a Cancún, que ta d’oferta.
-¡Pos s’acabó!
-¡Dí que sí, Gibson, que yes igual que Mel Gibson!
-¡Toos juntinos, venga, el gritu de guerra! ¡Ripa jo! ¡Ripa jo!
-¡Ahí, Mel, yes el meyor!
-¡El to corazón ye llibre. Ten el coraje de siguilo!
-Oye, Mel, diz el Gobiernu central que…
-¿Qué van dicir? ¡Como ellos nun paguen. ¡Quiero ver yo a un ministru buscando calderilla pa pasar el túnel!
-¡Qué razón tienes, gallu! ¡Yes el amu!
-¿Queréis divos a casa ensin lluchar?
-¡Qué va, ho! ¡Ripa jo! ¡Ripa jo!
-¡¡¡Huerna llibre, Asturies nun se rínde!!!
-¡¡¡Huerna llibre, Asturies nun se rínde!!!
