Compañeros de entrenamiento.
-Yes importante pa mi, Joseluis.
-¿Yo? ¿Entós?
-Sí, tío. ¡Yes mi gym-bro!
-¿Tu qué, ho?
-Yes un compañeru de entrenamientu espectacular, xuegues un papel esencial na mio rutina…
-¿Yo?
-Sí, Josín, tu motívesme a alcanzar mis metas. Quiérote, tío.
-Bueno, home…
-En serio. Desde que nos apuntamos xuntos al gimnasio, yo yá lo vi claro.
-Apuntar apuntámonos, pero nunca fuimos.
-¡Por eso! Fue un flechazu. Digo: ¡esti ye de los míos! Fue facer la inscripción y venir directos al chigre.
-¡Coime, claro, a tomar unos culinos pa celebralo!
-Sí. Y dende aquel día, bro, nun fallamos nin una tarde. ¡Nin una! Gracies, Jose.
-¿Por?
-Por facer press de barra conmigo y sentadillas cada vez que nos cai’l pinchu.
-Nada, ho.
-Gracies por faceme más fanáticu de la cecina que del fitness.
-Tonio, yo…
-Gracies a ti, Josín, sé lo que ye sudar comiendo quesu picante, dir sprintando al váter y faer brazu escanciando.
-Bueno…
-Yo, Joseluis, tengo fechu contigo hasta 4 series de xubime al taburete p’atopar postura y llevantar vasu y servilleteru en pesu muertu y…
-A ver, Tonio, yo…
-¡Yes mi gym-bro! ¡Yes un gym-bro espectacular!
-La verdá ye que venimos tolos díes. Nin un putu día ensin entrenar.
-Los martes, que cierren por descansu, vamos en frente, al otru chigre.
-Sí. Pa nun perder la forma.
-Claro, tu impúlsesme a dar el máximu, motívesme a lograr mis metas.
-A ver, Tonio, tu y yo…
-Trabayamos n’equipu. Contigo entreno meyor, vengo más motiváu…
-Tampoco te flipes, ¿oíste?
-Non, Jose, en serio. Me apoyo en ti y na barra. Y nun tengo lesiones.
-Lo que tienes ye una tranca… Anda, nun bebas más.
-Me amenizas les tardes, Joseluis, faesme compañía…
-Bueno, hala…
-Gracies a ti aumenté la capacidá pulmonar pa dar voces, desarrollé mi resistencia cachopera y la…
-¡Vaaa, Tonio, vaaaa!
-¡Yes mi gym-bro, tío!
-Respira, Tonio. ¡Vaaa, vaaaa!
-Enseñástime a rehidratarme a base de sidra de nueva espresión, a batir records en espichas d’altu rendimientu…
-¡Valió, Tonio, valió!
-Gracies a ti mejoré piernes y hombros, y yá toi más definíu.
-¿En serio? ¿Muscularmente?
-Non… precisamente.
-¿Entós?
-Joseluis, yes un amor.
-Tonio, yo…
-Quiérote, tío. Yes mi gym-bro.
