Amores líquidos.

 

-¿Pero tu sabes lo que ye tener que reunir el valor pa dejate?

-¿Qué?

-¡Viví un infierno anticipáu, Fernando! 

-Pero…

-Noches sin dormir, ensayos mentales de cómo dicite lo… 

-Pero, Lara, vamos ver…

-Hasta tuvi qu’escuchar a Amaral para poder tomar esta decisión.

-Jobar.

-Non ye fácil cortar la relación, Nandín.

-Flipo.

-Ye duro procesar la pérdida antes de comunicala.

-Sí, pero…

-Y toos estos sentimientos: la duda, la culpa, el mieu… ¿Qué faigo yo agora con ellos?

-¿Y yo?

-¿Tu qué, Fer?

-¡Toi en shock, Lara! Nun lo vi venir.

-Yá. Tienes que pasar el duelu.

-Jobar.

-Échote tanto de menos…

-¿A mi? Pero, Lara, si toi equí.

-Yá, Fernando, pero lo tamos dejando.

-Non, perdona, yes tu quien quier dejame. 

-Fuisti tan importante en mi vida…

-A ver, Lara, que namás llevábamos quince días.

-Sí. Pero intensos emocionalmente.

-Eso ye verdá.

-Claro. Y dejar nun ye fácil, Fer. Ye un actu de valentía. 

-No jodas.

-Sí, Fernando. Y yo toi dejándote con empatía.

-¿Con quién, ho?

-Siento lo que tu vas sentir. Y duelme más a mi qu’a ti.

-¿A ti? 

-Llevo un duelu anticipáu, Fer. Ya lu rumié. Toi fecha polvo.

-¿Por?

-Pel branu que nun vamos vivir. El Carmín, el Bombastic, la Sardina, les Piragües…

-Tamos a tiempu, Lara. ¡Nun me dejes, ho!

-Me toi sacrificando pa que seas libre, Fernando.

-Pero…

-¿Y toos los nuesos planes? ¿Y el Xiringüelu?

-Yá me despidí mentalmente de too eso. Y sufrí.

-Pos podíes habeme avisáo, pa sufrir los dos al mismu tiempo. Polo menos…

-Dejar ye horrible, Fer. Llevo nueches sin dormir, imaginando…

-¿El qué?

-Cómo sería nuestra vida juntos: tu en zapatilles, viendo partíos de Segunda, yo en bata, comiendo bollicaos a escondies… ¡Nun podía más!

-¿Pero cómo te montes estes películes? ¡Nun me dejes, Lara!

-Acabóse.

-¿Y agora qué faigo yo?

-Quédate equí, a pasar el duelu.

-Sí, ho. Con esti sol…