El otoño viene caliente.

 

-Qué tarde tan prestosa, ¿eh?

-Sí, ho. Una tarde preciosa… pa habela pasao con otru.

-Tampoco te pongas así, Chema.

-¿Cómo quiés que me ponga? ¿A cuatro pates?

-Yes un caliente…

-¿Yo? ¡Tirastime’l sacu de castañes al focicu, casi me desgracies!

-¡Porque me llamaste inorante!

-¡Díjete que tabes desinformau!

-¡Y depués distime un castañazu!

-Fue sin querer, Tino, yo nun vine al monte a perder amigos.

-Si nun fueras tan bocazas…

-¡Empezasti tú, oveya! ¡Que si les pensiones, que si los trenes, que si la huelga…!

-Y tú echando fumo peles oreyes.

-¡Home, porque me dijiste que yo votaba colos güeyos zarraos!

-¡Ye que votes colos güeyos zarraos!

-Nun empecemos otra vez, eh. ¡Yo voto cola cabeza!

-¡Pos cambia de cabeza, qu’esa non te ta funcionando!

-¿Por qué nun respetes mi ideología?

-Porque tu nun tienes ideología, Tino, tienes una enfermedá crónica.

-Ya tamos…

-Ye verdad, coño. Tu nun votas, tu renueves la suscripción.

-¿Cómo ye, ho?

-¡Si tu partido dizte que la luna ye cuadrá, tu sales de noche con una escuadra!

-¿Y tu qué, ho?

-Yo soi leal.

-Lo tuyo nun ye lealtá, majo, ye falta de mantenimientu cerebral.

-Sigue así, verás cómo la volvemos a liar.

-Ya, tío, vamos calmanos. ¿Qué coño nos ta pasando?

-Qué sé yo.

-Vinimos a castañes y casi marchamos con antecedentes penales.

-¡Cagonrós, tola vida xuntos!

-Ya, eh. Pasemos nevaes, pasemos temporales, pasemos fame, nunca reñimos y ahora..

-Ahora pa charrar contigo hai que traer un mediador de la ONU.

-¡Ye que tienes menos luces qu’un túnel sin terminar!

-¿Ves cómo yes un faltosu?

-¡Empezasti tu! ¡Nun vienes al monte a castañes, vienes a facer campaña!

-Na. Ya nun podemos falar de na.

-De fútbol namás.

-D’eso llevamos cuarenta años discutiendo.

-Ya, coño. Pero nunca llegamos a les manos.

-Ye verdá. El calentón de los derbis y namás. Con esti ambiente tan enrarecíu tamos perdíos.

-¿Por?

-¿Por qué va ser? ¡Ya nos tienen convencíos!

-¿De qué, ho?

-De qu’el que piensa distinto ye’l nuestru enemigu.