Un trastero en tu bolsillo.

-¡Mira, Hilario, mira, de cuando díbamos xuntos al catecismo!

-¿Otra vez, ho? ¿Pero cuántes fotos tienes?

-Nun sé. Unes 47.000. 

-¡Cagonrós! ¡Borra eso, anda! Nun sías pesadín.

-Nun puedo borrar, cada semeya significa…

-Sí, qu’el to móvil va más lentu qu’un tractor cuesta arriba.

-Mira esti pantallazu de la factura del vermú nes fiestes de Tinéu.

-¡Eso ye de 2017!

-Yá. ¿Visti qué preciu la tapa d’aceitunes?

-¡Tas fatal, Fonso! ¡Tienes un diógenes digital de flipar!

-¿Qué, ho?

-Si l’el to móvil fuera un pisu, tendríes fotos durmiendo na bañera.

-¡Mira, aquella disco que cerraron! Qué manera ligar. ¡Ahí trunfamos, eh!

-Sí, ho. Como el Avecrem…

-¿Y esi cable enredáu?

-¿Qué mi madre ye eso? ¿Pa qué lo guardes?

-Yera importante, nun sé por qué. 

-Tas como una maniega, compañeru.

-Y tengo l’alcayata que clavé naquella paré. Si busco na galería…

-Eso non ye galería, eso ye un muséu arqueolóxicu. Necesites una Marie Kondo.

-¿Una qué, ho?

-Alguien que te ayude a borrar esa mierda y ponga orden. 

-Mira, mira. “Oferta de Gym: ponte en forma en 30 díes”. 

-¡Ye de 2020, Fonso!

-Nunca ye tarde…

-Borra eses semeyes, anda.

-¿Qué dices? ¡Si les pierdo dame…!

-Paz, Alfonso. Te daría paz  y 30 gigas llibres, que paeces bobu.

-¿Bobu por qué, ho?

-Tienes hasta una foto d’un bocadillo de quesu a medio comer.

-Taba tan buenu..

-Por eso lu comiste, Fon. Nun fai falta documentarlo como si fuera un descubrimientu científicu.

-¿Y esti bizcochón? De cuando la pandemia…

-¿Pa qué quiés eso?

-¡Qué bien me salió! ¡Qué recuerdos!

-Nun son recuerdos, son trastos. Lleves un trasteru digital contigo.

-¿Qué ye, que tu nun guardes fotos antigües?

-Alguna, sí.

-¿Entós?

-Pero non como tu, que siempre tas mirando pa tras.

-Colo guapu que yo yera de pequeñu…

-¡Ya tamos!

-Home, Hilario, ye guapo recordar quién yeras.

-Sí, ho. Lo triste ye ignorar quién yes.

-¡Non te pases, eh! ¡Yo soi de congelar momentos!

-Pues conxela croquetes, anda, que te sale más cuenta.

-A mí estes semeyes motívenme, ¿qué quiés que te diga?

-A mi tamién: a cambiar de conversación.

-¿Pero por qué, ho?

-Porque la vida sigue, Alfonsín. 

-Yá. ¿Y qué?

-Que yá tienes edá pa dejar de preocupate poles fotos y preocupate por salir bien nes radiografíes.