Socializar cansa.
-Déjame, Fonso, quiero tar solu.
-¿Entós?
-Tengo una resaca…
-Noches de desenfreno, mañanes de Ibuprofeno.
-Non, de verdá: una resaca brutal.
-¿Pero resaca nivel: voi mirar les fotos pa ver si me lo pasé bien ayer?
-Non, ¡resaca social!
-¿Cómo ye, ho?
-Toi agotau. ¡Agotau!
-¿De tantu chumar?
-Non, de socializar.
-¿Que qué, ho?
-Voi grabame “No molesten” na frente.
-Nun sias ranciu, Vicente.
-¿Yo?
-Yes más repunante qu’una cuchará de cemento.
-¡Quiero tar solu, dejaime en paz!
-Pero…
-Nun topo placer en relacioname colos demás.
-¡Coime, busca ayuda profesional!
-Sí, ho. Pa dir de putes toi yo agora…
-Non me refiero a eso, Vicente. Lo tuyo ye mental.
-¿Mental?
-Sí, Vicentín. Somos animales…
-¡Únos más que otros!
-…Sociales, Vicen. Somos animales sociales. Y tu…
-Gritos, selfies, meaes, reguetón… ¿Tu sabes lo que soporto yo?
-Non te rayes, ho.
-¿Sabes lo que ye un branu en familia, con primos na casa, escuchando les pijaes del mi fíu y la mi nuera, y paseando a tolos amigos que vienen de fuera?
-¿Qué, ho?
-¿Sabes lo que ye carretar madrileños a Los Lagos, traer a la guaja a Metrópoli, dir buscar a la madre a Llanera y xuntanos cola prima y la mio suegra na noria de la Semana Negra?
-Jobar, Vicente, vaya percal. Tu sí que viajes…
-De Tanes a Llanes, de Tebongo a Taramundi… Viajo más que Calleja.
-¿Qué Calleja, el del Uviéu?
-¡No, coño, el de Planeta Calleja!
-Ah. Venga, invitote a un cacharru.
-Necesito tar solu, tío. Relacioname con otros oblígame a consumir munchos recursos cognitivos.
-¿Que qué, ho?
-Toi fartucu d’escuchar pijaes, de mordeme la llingua y poner bones cares…
-Tranqui, ho.
-Toi apáticu, Fonso, desmotiváu…
-Vamos dar un paseín, que fai muncho que nun nos vemos.
-Será por algo.
-¿Eh?
-¿Nun te dio nunca por pensalo? ¿Nunca pensasti que nun te quiero ver delantre?
-Coime, Vicente. Ye branu y…
-Quiero tar solu. Pírate, anda. Socializar cansa.
