Nuevos propósitos, 2023.
-No. No. No.
-¿Cómo que no, Gelu?
-Que no, Jose, que no, que ya valió.
-¿El qué, ho?
-Ya tuvo bien, Jose Luis. Tengo que tomar les riendes de mi vida.
-¿Pero qué coño dices? ¡Venga, vamos!
-No.
-Nun sías faltosu, entra a tomar unos culetes.
-Que no, que no.
-¿Pero por qué, ho?
-Tengo que desvinculame, Josín.
-¿Eh?
-Voi aprender a ser yo mismu, pa poder decidir hacia onde quiero dir.
-¿Pero si nunca me dijiste que no a nada?
-Claro, pa nun sentime culpable. Acabose.
-¿El qué, ho?
-Tengo qu’empezar l’añu marcando límites, Jose.
-Venga, una botellina y pa casa.
-Que no, Jose Luis, que no. Nun me sienta bien la sidra.
-Meca. ¿Y por qué nunca lo dijiste?
-Pa nun sentime incomprendiu, Jose. Porque necesito afecto, porque ando mal d’autoestima. Pero ahora…
-¡Venga, unos culinos, ho!
-Que no, Josín. Ya tamos en 2023, toi llegando a la madurez, y dame igual
defraudar les tos mires.
-¿Les mis qué, ho?
-Siempre odié los fritos de pixín pero comíalos por mieu a que te paeciera mal.
-¿A mí?
-Sí, Jose Luis. Necesito comprometeme conmigo mesmu. Llámalo reinvención, llámalo duelenme los coyones d’aguantate.
-¿A mí?
-Sí. Yes un fartón, Josín. Yes mui babayu y tan heteronormativu…
-¿Tan qué, ho?
-Toi en época de cambios. Acabose la sidra y los fritos. Voi ser asertivu, pansexual, no binariu y toi buscando equipo nuevu na liga smartbank.
-¿Equipo nuevu?
-Eibar, Burgos, Andorra… Nun sé. Algún que vaya más conmigo, que pueda llename como persona.
-¡No jodas, Gelín! Pero…
-Ah. Y nun pienso dir contigo a los partíos.
-¿A los de Copa o a los de Liga tamién?
-A nengún, Jose Luis. Milité siempre por acompañate.
-¿A mí?
-Sí, Jose, sí. Porque si te decía que no sentíame culpable. Y aguanté como un campeón. Na URAS, en UPyD, en Ciudadanos…
-Pero…
-Acabose, Jose.
-Hai que hablalo, Gelín. ¿A que nun quiés dejame así? ¿A que sí?
-Lo que nun pueo ye dicir sí porque sí y no porque no.
-Una rápida y hablamoslo. ¿Ye o nun ye?
-No.
-¿Sí o no?
-¡Cagonrós! Nun veo por qué no.
