Días de vino y hostias.
-Buo. Menos mal que a veces non se oye lo que pienso.
-¿Qué, ho?
-¡Marcho!
-Espera, ¿ónde vas? ¿Tas enfadau?
-¡Díi toos a la mierda…!
-Espera. ¿Qué ganes enfadándote?
-Nada, yo enfadome ensin ánimu de lucro.
-Pera, ho.
-¡Faltosos!
-¿Qué te pasa? Tas más rebotau qu’un gatu nuna perrera.
-Ye que con vosotros nun se puede razonar.
-Menuda perreta, Velino. Paeces un bebé ensin chupu.
-Nun tenéis nin zorra idea de lo que faláis. ¡Cascantes!
-Tas encendíu, Velino, y la llingua funciónate más rápidu que la mente.
-¡Sois una panda de mamones!
-¿Pero por qué te pones asina, Velinín?
-¡Marcho!
-Espera, home. Siéntate. Y espera que se te pase.
-¿El qué?
-La mala lleche. ¿Nun sabes cuntar hasta diez?
-Sí, pero cuando llego a ocho suelto una hostia. Naide se lo espera.
-Tienes qu’aprender a tomar les coses con humor.
-Yo nun tengo esi don.
-Tener bon humor nun ye un don, ye una actitú.
-Colos problemes que yo tengo, enriba tener qu’aguantar les…
-Toos tenemos problemes, Velino, la clave ta en saber cómo encaralos.
-¿Cómo ye, ho?
-¿De qué te sirve rumiar, andar quexándote? Busca una solución, Velino.
-Qué fácil lo véis.
-Si tien remediu va arreglase, si nun lu tien arreglao ta.
-Sois dañinos, eh, táis empeñaos en cabriame. ¡Marcho!
-¿Nun tomes otru vinín?
-Prefiero tomar distancia.
-¿Por qué, ho?
-Porque si non, voi liame a dar hosties de dos en dos hasta que salgan impares.
-¡Qué sangrín yes, Velino!
-Oveyas…
-Nun merez la pena mosquease.
-Si nun fuerais tan faltosos…
-Per cada minutu que tas enfadau pierdes sesenta segundos de felicidá.
-Qué fatos sois, de verdá.
-¿Vamos acabar asina por culpa de la puñetera política?
-Al que-y pica’l culu al chase güel-y el deu al llevantase.
-Toma otru vasu, Velino.
-Que non.
-Lo que tenga que pasar que pase con vino.
-Marcho, marcho, que me conozo.
-Non te chines, home, non puede gustase a toos.
-Yá. Selo yo. Non toos tienen bon gustu. Y toi hasta los…
-¿Eh? ¿Qué pienses?
-Buo. Menos mal que non se oye lo que pienso.
