El amor en días de baja ocupación.

-¡Ai, el mi Clint!

-¿Clint?

-Llamase Agustín, pero yo llamolu Clint.

-¿Por?

-Taba sacando fotos al puente del Piles.

-¿Cuándo, ho? 

-El martes, aprovechando el puente de la Constitución.

-¿Y qué pasó, Marisonia? ¿Liasteisvos?

-Charramos, y al día siguiente acompañelu a fotografiar el puente de Cangas de Onís.

-¡Ai madre, Marisonina…! 

-Nunca na to vida, Merce, pienses qu’un amor como esti te puede pasar.

-¿Pero qué me tas contando, Márison?

-Pensé que nun lu volvería a ver, fía. Pero volvió al otru puente.

-¿Qué puente, ho?

-El de la Inmaculada.

-Meca. ¿Y liasteisvos, Mari?

-Non, pero fuimos a cenar al “Puente Romano”.

-¿A Cangas?

-Non, Merce, non, a una sidrería de Xixón.

-Ah. ¡Puf! Jobar, pues diote fuerte.

-¡Más quisiera yo, Merce!

-¿Que qué, ho?

-Si ves qué pinta de empotrador…

-¡Meca, Márison, tas más caliente que’l quesu d’un cachopu!

-Una nunca imagina que pueda vivir un amor así.

-Y eso que dicíen que con tantu puente nun había casi turistas…

-Nun quiero necesitalu porque nun pueo tenelu.

-¿Entós qué ye lo que quies?

-Follalu.

-Hija, Márison, qué burrona yes…

-Nel próximu puente me lu calzo.

-Pero…

-¡Como si tengo qu’esperar al puente de Tolos Santos!

-¿Pero y el tu Suso?

-El mi Suso lleva quince días fuera, marchó a trabayar a una feria.

-¿Y a ti paezte normal encoñate con un fotógrafu que vien de veraneo?

-Cuando na vida te surge un Clint…

-¡Ai Marisonia, dejesme tonta!

-Ye como si tuviéramos caminando l’unu escontra l’otru toa la vida.

-Flipo contigo, fía.

-Una cosa ye decitelo, Mercina, y otra pasar por ello.

-Acabose, Márison, en cuanto llegue Suso cola furgoneta…

-¡Ai, non, fía! yo nun soi Meryl Streep pa tar sujetando la manilla de la puerta.

-¿Qué, ho?

-Yo tírome de la fugoneta y hala, onde vaya l’asa que vaiga’l calderu.

-¡Ai fía, con tantu puente quedasti trastorná!

-Llevo al mi Clint, Agustín, no más fondo de mi corazón.

-¡La madre que te sibló…!

-Nel Puente de Tolos Santos me lu calzo, Merce, dígotelo yo.