Emociones contagiosas.
-¿Visti? ¿A que mola tar adelantre del tou?
-Bah…
-…Encabezar una fila interminable.
-Nun sé.
-La xente ta entusiasmada, ¿nun los ves?
-Yá, pero nós non…
-¡Les emociones se contagian, Bienvenido!
-¿Cómo ye, ho?
-Y yo por formar parte d’una inmensa fila pierdo’l culu.
-Yá lo veo, yá.
-¿Visti? Madrugamos y equí tamos. ¡Alantre del tou! ¡Con dos coyones!
-Jobar, pero esperar tantes hores con esti fríu…
-Esto ye como la caza, Veni.
-¿Eh?
-El placer ta más na espera que no que lleves.
-Y tanto. Porque yá me dirás tu a mi qué se nos perdió en Madrid.
-¿Qué, ho?
-A ver, Velino, ¿qué ye, que necesitamos dir tu y yo a Madrid?
-Home, necesitar necesitar…
-¿A ti te gusta Madrid?
-Qué va.
-¿Pero dibes con frecuencia? ¿Fuisti munches veces?
-Calla, ho. ¡Quita pallá!
-¿Tienes a daquién ellí? ¿algo que ver? ¿Dalguna cita con…?
-Que non, que non.
-¿Quiés dir de turismu?
-Nun fastidies, esos mogollones, menudu coñazo.
-¿Entós?
-Hai pocos billetes. ¡Y tan d’ufierta! Y si la xente espera va ser que ye bonu.
-Pero vamos ver, Velino…
-Nun se fala d’otra cosa, Bienvenido. Y yo toi convencíu. Ábrese la variante y la mio vida cobra sentíu.
-¿Cómo ye, ho?
-Acabose l’aislamientu. L’AVE ye bonu pa too: Voi perder pesu, va baxame’l colesterol…
-¿Pero pa qué día sacamos? ¿Y qué vamos faer allá?
-¡Qué más da! Lo guapo ye tener el billete nes manos, sentite especial…
-¡Lo tuyo ye bien gordu, Velino! ¡Siempres tas igual!
-¿Por?
-Lo mesmo te pones a la cola pa mercar el nuevu iphone qu’una hamburguesa d’ufierta o una faxa-pantalón.
-Y yá toi deseyando llegar pa facer cola en “Doña Manolita”.
-¿En serio?
-¡Home va! Que yá voi entrenáu de les coles de la Feria Muestres y los Premios Princesa…
-¿Pero a ti por qué te da…?
-La escasez y la exclusividad. ¡Tamos onde hai que tar!
-¿Y nun fuera meyor intentalo per internet?
-Na. A mi lo de la cola virtual… Amás cayóse’l sistema y la de la mi madre.
-Yá, eh. La xente ta desatá.
-Normal. ¿qué ye, que nun pasamos la vida esperando algo?
-Yá, pero nun sé qué coyones se nos perdió en Madrid.
-Nada, Velino, pero qué más da. Yo toi emocionáu, dígote la verdá.
