¿Es que ya nadie va a ilusionarse?

-¿Qué faes, Chus?

-Entusiasmu, Pachu.

-¿Que qué, ho?

-Ye lo que necesitamos. 

-Sí, ho. Tas guapu.

-Vale que les coses tán mal. 

-Y tanto.

-Pero cola espiral de pesimismu naide sale del furacu. ¡Anímate, Pachín!

-¿Y si non qué? ¿Vas cantame “ay del chiquirritín”?

-Cántala tú, ¡¡¡haz que brille tu luz!!!

-Jobar, amigo, paeces al alcalde de Vigo.

-Nada pue esperase de quien nun cree en sí mesmu.

-No, si yo en mí sí creo. Pero esti mundu ye un desastre…

-Qué va, ho.

-Home, non. Mira cómo ta tou.

-Hai que tomalo como vien, Pachín. Si nos deprimimos, acaben con nos. 

-Tamos toos murnios, los psicólogos nun dan abastu. 

-Home, a ver, hai motivos pa enfadase.

-Ya te digo.

-Pero para l’entusiasmu tamién.

-¿Por ejemplo?

-Esto… Yo qué sé.

-¿Ves? Lo tuyo ye un subidón por ganar al Mirandés.

-Nun ye solo eso. ¡Toi triunfando!

-¿Tú? Pero si nun ganes pa hosties.

-Bueno, ¿Y qué? Voi d’un fracasu a otro ensin perder l’entusiasmu.

-Yes más raru qu’una culiebra con oreyes. 

-¿Por?

-Coime, Chusín, tas parau, nun tienes na…

-Nun puedes tener tou nesta vida. ¿Ónde lo meteríes?

-¡Meeeee!

-Faime casu, hai que reivindicar l’entusiasmu.

-¿Pero por qué, ho?

-A estes altures, Pachu, ye lo más revolucionario.

-Yo yá tengo percebes nos coyones pa alegrame por pijaes.

-Pon atención nes coses pequeñes.

-¿Los ácaros?

-Los gestos atentos, Pachu, les miraes tiernes…

-¿Tu qué mierda andes fumando?

-Los años arrugan la piel, Pachín, pero renunciar al entusiasmu arruga l’alma.

-Yes más tuntu que mexar contra’l vientu. 

-¿Por?

-Dígotelo como lo siento.

-Alégrate, Pachín. La puerta de la felicidad abrese hacia adentro.

-Sí, ho.

-Lo bueno ta por venir: Mundiales, recibos, estrelles Michelín…

-Tas guapu, Chusín.

-Yo, aunque tea jodíu, pienso ilusioname, mientres pueda decidir cómo vivir.