Tiempo de cuchara.

-Engordasti, Severino.

-Sí, bueno, ya sabes, al entablar un vínculo románticu…

-¿Qué, ho?

-«Relationship weight», Xicu.

-¿Cómo ye?

-Enamorase engorda. Ta estudiao.

-No jodas. 

-Claro. Cuando conectamos con alguien que nos fai sentir bien, la felicidá y el pesu aumenten.

-¿El pesu?

-Sí, tío. Cuando la relación va asitiándose, volvemonos sedentarios. 

-¿Yá nun faes ejerciciu físicu?

-Lo típico: sentanos a la mesa, poner la tele, abrir la nevera…

-¿Y el deporte? 

-Bien, gracies.

-Pero tú, Seve, siempre fuisti de fitness.

-Sí, ho. De fitness de semana. Y esti juntoseme too: Uviéu de pinchos, la fiesta de Los Nabos, los callos en Lena, les cebolles rellenes…

-Meca. Pero entós…

-Ye tiempu de cuchara, Xicu.

-Ya, ho. Pero tas poniéndote…

-Nun toi gordu, toi fuerte.

-Ya, ya. Tres kilos más y te faen descuentu de grupo.

-¿Qué quiés, Xicu? Cuando empieces una relación nueva…

-Se te ve feliz, eso ye verdá.

-Cambiome el rollu alimentariu, pa qué te voi engañar.

-Ye que hinches y deshinchas con una facilidad…

-Claro. Endelgazo cuando busco pareja pero cuando tengo relación estable se jodió la dieta.

-¿Y qué ye, que come mucho Marisé?

-Uf. Como una lija nueva.

-¿Cuál ye’l so platu favoritu?

-El hondu, porque cabe más comida.

-¡Ai amigu! ¿Quién te mandó enamorate? 

-Bueno, mucho ye genético, ¿oíste? La constitución de cada unu…

-Tamién ye verdá.

-Unos sois de complexión delgada y otros engordamos con cualquier caja de donuts de 24 que comamos.

-Qué jodío Severino…

-A mí lo que me mata ye’l efectu yo-yo. Engordo y endelgazo en función de…

-Normal. Si nun te comes una rosca…

-Tu nunca te casaste, y tienes un índice de masa corporal más baju. 

-Y lo que tú dices: la genética, el chosco, los factores ambientales…

-Eso ye, Xicu. ¡Eso ye! 

-Que te quiten lo bailao, ¿oíste?

-Toi feliz, Xicu, pero muevome menos que los güeyos de Espinete.

-Pos hai que movese, Seve. Hai que salir, hai que quedar…

-Si quies, quedamos pa comer.

-Meee…

-Barriga llena, corazón contentu.

-Sí, señor. La cocina ye alquimia d’ amor. Severino, yes el mejor.