El último hit de Shakira dispara los temas de desamor para gaita y tambor.
-¡¡¡Un raposuuu como yo nun ta pa una pita como tuuuu!!!
-¡Ixuxú! ¡Uh! ¡Uh! ¡Uh!
-¡¡¡Quise tar contigo, xugar a la pocha y punxístime los cuernos, fuiste una gochaaaaaaaaaaaaa!!!
-¡Wooo!
-¿Qué fui yo pa tiiii? ¡¡¡¡Un jabalí, sí, tan solo un jabalíiiii!!!!
-¡Ahí, Tino, ahí!
-¡¡¡Cambiasti cachopo por chuches, rozadora por garabatuuu!!!
-¡Vaya matu, vaya matu!
-¡¡¡Yes mui poquina cosaaa, pírate faltosaaaa, y nun vuelvas por Riosaaa!!!
-¡Pera, Tinín, pera!
-¿Qué ye, ho?
-¿Nun mos taremos pasando?
-¿Por?
-¡Va echásenos la xente enriba!
-¿Ya tamos? Si lo fae Shakira ta bien, pero si lo canta un paisano…
-Abultame un pelín agresivo…
-¡Cagonrós! ¿Qué ye, a ti nun te dexó la muyer? ¿Nun te puso los cuernos?
-Sí, ho.
-Pues yo toi igual. Cada unu xestiona’l dolor como puede.
-Ya, home, pero…
-Yo cola mio emoción faigo lo que quiero, Jose Miguel.
-Ya, Tino, pero pa gaita y tambor, nun sé yo…
-Tranquilu. Dámos-y un toque latinu, un pocu de mambo…
-¿Cola gaita, ho?
-En momentos de desamor ye cuando surde la creación…
-Yá, Tino, pero nosotros tenemos otru públicu.
-¿Qué ye, que nun hai paisanos col corazón rotu?
-Sí, home, pero…
-Hai qu’aprovechar el tirón. El casu ye crear polémica, ¿oíste?
-¡Cagonrós, lo más polémico que tocamos ye «El señor cura nun bailla»!
-Por eso te digo, hai que cambiar l’estilu.
-¿Por?
-Coime, enriba de cornudos, ¡faciendo vaquerada!
-Esto de los cuernos ye como la variante de Payares. Lleven tola vida engañandote y yes incapaz de velo.
-¿Ensayamos o qué?
-Puf. Toi revueltón. A mí esto del desamor…
-¡¡¡Yo quíxite munchooo y tu tratástime como al cuchooooo!!!
-¡Woow!
-¡¡¡Del amor al odiu hai un pasuuu, vete a la mierdaaa que yo voi al chigre a tomar un vasuuuuu!!!
-¡Woow!
-¡¡¡Un raposu como yo nun ta pa una pita como tuuuu!!!
-¡Ixuxú, ixuxú!
-¡Aléjate de mí, faltosaaaa y nun vuelvas por Riosaaaaaa!
-Puf. A mí esto del desamor…
-¡Da-y duru, ho! ¡Hai que exorcizar el dolor!
