El que va de romería…

-¡Venga, Josín, llevanta!

-Déxame dormir.

-Tantu chumar, menudu resacón.

-L’alcohol nun da resaca, a nun ser que despiertes.

-¿Cómo ye, ho?

-Que me dexes sobar, que toi endelgazando.

-¿Ahí tumbáu?

-Sí. Un día fixi’l dormíu y quedé dormíu. Asina que…

-¡Llevanta, ho!

-Voi faeme’l delgáu a ver qué pasa.

-¡Tas guapu…!

-Gracies.

-¡Venga, ho! ¡Llevanta, que tienes que dir a currar!

-Mañana garro vacaciones.

-Yá, pero güei non.

-Ye de mala educación facer esperar a les vacaciones, déxame sobar.

-¿Nun ves que tas montando’l númeru, equí sobando, nun bancu públicu?

-¡Buo! Tengo más ojeras que ganes de vivir.

-Ai, amigu, el que va de romería…  

-Ando cansaón. Güei levanteme con ganes de chame.

-¿De cuántes botelles de sidra taríamos falando?

-Trés caxes, tirando pelo baxo.

-Buo. Vas llegar guapu al trabayu…

-Y como Dios me trajo al mundu, ¿oíste?

-¿Desnudu?

-Non. En contra de mi voluntá y llorando.

-¡Vente enriba, Josinacio! Que depués del curro vamos a ligotear.

-Nun puedo, toi n’una relación a distancia.

-¿Ah sí? ¿Y ella? ¿Ónde vive?

-Nel futuru.

-¡Meeee! Tas guapu. Lo meyor pa la resaca ye hidratase y caminar. 

-¿Caminar?

-Sí. Ye lo meyor para aumentar la mi guapura.

-¿El qué, ho?

-Caminar al llau de alguien más feu que yo. ¡Venga, llevanta!

-Que non, que toi xenial nesti bancu.

-Tas montando’l númberu y nun te lo puedes permitir.

-¿Por?

-Yes famosu. Llegasti al tope d’amigos en Facebook.

-Ser famosu en Facebook ye como ser millonariu nel Monopoly.

-Vamos, anda, que tou lo tomes a coña.

-Uso’l sarcasmu, Paco, porque l’homicidiu ye illegal.

-¿Que qué, ho?

-Hai xente que nun se merez nin l’ascu que-y tengo.

-¡Meeee! ¡Menudu resacón! A ti tanta fiesta… ¡Llevanta, Josín!

-Déxame en paz. A mi l’únicu que me domina ye’l suañu.

-Venga, ho, que tu má tará preocupá.

-Una madre perdona tou menos que y-pierdas un tupperware.

-¡Venga, Josín! ¡Anda, hai que siguir.

-Yá, yá. Dempués de la resaca vien la pleamar.